被譽為「澳門維穩騷」嘅「黑沙海灘迎夏日演唱會」，嚟緊5月1日勞動節舉行，眾星被安排出席；不過當知道係維穩騷後，有歌手就用行動證明係「懂得政治」嘅，嗰個就係謝安琪阿Kay！Kay多年戰友作詞人周博賢同記者透露，Kay已經決定退出，網民見到咁，仲唔心心眼咩，讚Kay「有態度」、「B餐真係無得輸！」「支持你，謝安琪女神」、「好波！！」仲有網民話：「有情有天有海有地正義熱血的香港女兒，阿聰你真幸福。」嘩，係都要抽一抽張繼聰水喎。不過最主要嘅留言對象，都係衝著自認「讀書少，唔識政治」嘅周柏豪，仲寸佢話「周生醒到將家駒死忌當生日，大家forgive& forget him啦！」柏豪就已經一早講喺facebook講話，佢要去內地拍電影，五月先見喎...即係喺澳門見呀？亦有不少網民在柏豪個fb勸佢退出，而柏豪雖然有更新fb同微博，但暫時未有回應此事。
from:
http://hk.apple.nextmedia ... 140420/18695304
