靠把口搵食嘅林盛斌（阿Bob），外形肥嘟嘟，講嘢又風趣夠晒親民，形象入屋，所以做司儀、登台、拍廣告，工作浪接浪。據知，阿Bob做一場晚宴的司儀，動輒都收成六、七萬，搵錢搵得咁易，使錢梗係唔手軟。早排，阿Bob就被本刊發現帶埋老婆睇價值半億嘅九龍塘新建豪宅，實行同富豪睇齊咁話。
日前，東姑去咗一個活動，同場除咗有糖妹（黃山怡）、許亦妮之外，仲有阿Bob。呢日戴咗個林阿珍齊蔭假髮嘅佢，好鬼馬兼搶鏡，但點都唔夠佢手上嗰隻價值二十幾萬嘅18K金勞力士，吸睛囉！其實以阿Bob今時今日嘅身價，做兩、三場騷就買到隻啦！
阿Bob呢日同許亦妮出席活動，並以林阿珍造型出現，夠晒鬼馬搶鏡；不過，佢嘅搞鬼造型，就點都唔及佢戴住嘅廿幾萬金勞，吸睛喇！
早排阿Bob被本刊發現同老婆去睇半億嘅豪宅，區區一隻廿幾萬嘅金勞，對佢嚟講算得係啲乜？
