最愛搞笑的林盛斌（Bob），前晚起一連兩晚於灣仔伊利沙伯體育館舉行「Bob's Up伊館2015」棟篤笑，鄭融、劉威煌和吳若希等撐場，而側田和草蜢就做嘉賓。
Bob玩盡熱爆娛圈人物，「洗米華」周焯華、郭富城、特首梁振英女兒梁齊昕及陳冠希全部有份。前日爆出「洗米嫂」陳慧玲（Heidi）跟老公「洗米華」周焯華離婚消息，當Bob在台上提到為誰搞離婚派對時，觀眾高呼洗米華，Bob即淆底避談：「呢part我唔夠膽講住。」
Bob（右）前晚開棟篤笑，嘉賓側田脫下帽子現光頭，兩人驟眼如孖生兄弟。
草蜢為阿Bob棟篤笑做嘉賓，出場時全場觀眾掌聲雷動。
Bob在騷內大曬私相簿，童年時的他頭髮濃密。
寸齊昕打老母
50歲城城和27歲𡃁模女友方媛（Moka）的父女戀也成被玩對象，Bob抵死話：「佢好錫女仔，一手揸車，一手拖住隻手，佢好錫個女呀。唔係，係好錫條女，香港好多父愛。」Bob又讚梁齊昕錫老竇梁振英：「就算佢幾唔鍾意老竇，都冇打老竇，只係打老母。」Bob提到新入電台工作，被派出去找歌手錄音：「有個藝人，佢將我張紙掉落地，後嚟佢啲相片流出嚟，佢都唔係幾大支嘢啫！」Bob雖然沒指名道姓，但似乎暗示對方就是淫照男主角陳冠希。
Bob還提到現已從政舊拍檔陳志全（慢咇），他說：「有次佢放假話去尼泊爾修練，佢話練到自己半透明，原來成功過幾次，佢喺立法會開會，梁振英真係見唔到佢。近日立法會發現有屎，我都懷疑係慢咇啲隱形屎。」Bob論盡娛圈後，連父母房事，長女霏霏都不放過，Bob自爆被囡囡拍打「小Bob」後又取笑太細，Bob反駁：「爹哋條褲入邊有怪獸。」霏霏即用紅蘿蔔做比喻，Bob說：「得一隻眼，仲係矇豬眼。」Bob少不了玩諧音爆粗。
Bob前晚自評演出有處男騷80分，他不敢玩洗米華，Bob說：「佢段新聞好爆，佢係其中一個贊助，希望佢盡快解決件事，我冇資格勸，始終人哋家事。」
採訪：王連連
攝影：陳志嵐
from:
http://hk.apple.nextmedia.com/entertainment/art/20151220/19418884
