大文豪又寫錯字喇！前晚周柏豪到中環出席Juicy Couture活動，還賣口乖說：「好proud of自己可以出席呢個活動，因為呢個品牌冇請過男士出席。」言猶在耳，周柏豪上載新相到Instagram公告天下，豈料大文豪卻誤將品牌名Juicy寫做Juice，周柏豪今次又觸礁了。
此外，吳千語在活動上戴了一個齊蔭假髮試新look，她表示男友林峯未見過：「一直都想剪短髮，不過一入行就做model，頭髮太短拍戲唔方便。」
洪卓立搵狗幫拖嫌棄湯怡
洪卓立「處男下海」做導演拍攝MV，除出動和女友湯怡一齊養的愛犬做串星外，唱片公司同事亦一呼百應出力又出狗。提到女友沒有出鏡撐場，他嫌棄地說：「湯怡都幫過我拍MV啦，再拍就太冇新意！」
洪卓立慶幸兩隻愛犬拍攝時表現乖巧，未有影響進度。
歌手洪卓立（Ken）日前出動自己及女友湯怡所養的兩隻愛犬，為其新歌《內有愛犬》拍MV。首次執導演筒的他稱：「除咗出私伙狗外，我仲情商同事啲狗仔出鏡，寓工作於娛樂。可能因為今次係我第一次做MV導演，所以佢哋個個都撐我，多謝晒。」
霸地盤屙尿落袋
與動物演對手戲一向有難度，Ken慶幸當天大部分狗狗都表現超水準，沒有因牠們難控制而影響進度，於預期的數小時內完成拍攝。問其兩隻愛犬可有鬧出笑話？Ken大呼好運，指愛犬平時相當頑皮，經常周街走令他疲於奔命。他說：「唔知佢哋係咪知我第一次做導演，所以都畀足面我，表現得好乖。不過有其他狗仔就因為要霸地盤，所以喺我哋啲袋度屙尿。（你有冇中招？）好在冇我份。」
不用埋位時，洪卓立即逗玩狗狗。
首次做導演的洪卓立，對每個鏡頭都非常緊張。
湯怡曾任男友MV女主角，故今次冇份演出。
自我增值學剪片
Ken初嘗當導演滋味大表過癮，皆因以前他經常被導演要求交戲，但今次他終於可以大聲「老點」同事依自己要求去做。問他可有參演？他說：「有呀，我仲做埋幕後剪片，當學多樣嘢，增值自己囉。」至於為何女友湯怡沒有出鏡？他指女友曾擔任過自己的MV女主角，如再亮相實太沒有新意。
