今時今日，係香港想買樓收租做包租公，由於有左SSD，BSD，DSD後，你想買樓收租，你最小要比五成首期先可以。如你想買一個約300萬的上車盤收租，你就最小要比150萬首期。如果你只有幾十萬現金，你只能夠買一個自住上車盤，重要係比一成首期。你想做包租公，你只可以買車位。
假設你手頭上有40萬現金，真係好想做包租公，你只可以買一個車位收租。一個40萬的車位，每個月可以收到的租大約$1200-1500，但係投資車位收租較住宅不穩定。因為車位空置率比住宅高。而且，車位出租率同回報好受經濟環境，如果經濟環境轉差，失業率高，好多人會減小一部分支出，如養車。少左人養車，需求減小，要出租就自然要減價。早前就有人過百萬買車位，但最後只能以$800租金一個月出租!加上車位係市況差時，就算減價也極難脫手。所以，投資車位可以話係一個極差的投資方案。如果是自用就另計!!
而投資日本小套房，你用40萬可以係東京或大阪買到一個實用面積200呎以下的單位，但係你每月可以收到大約50,000日元(約$3700港幣，以0.75計算)。回報大約有十厘!!而且住宅一般比車位高。加上日本，東京的空室率較低，東京人租屋比率大約5成。東京人口大約1200萬，即是有600萬人租樓住。租樓人口差唔多有香港總人口8成以上，要搵租客一D都唔難!!
所以在香港買車位收租是比較差的投資方案，而幾十萬係香港連上車盤都未夠比首期的情況，但在日本能買到一個小套房，租金回報還比香港物業高。只可以說，日本物業價格還在低水平下才有如此高租金回報。
http://yeungchung80s.blog ... 4/01/vs_16.html
