楊千嬅日前接受《亂噏24》訪問，暢談入行的心路歷程。
【亂噏24 第19集】快將40歲的楊千嬅雖已為人妻人母，但因心境開朗，活像後生女，但她最介意被標籤為世界女。現在的她人生閱歷豐富了，演技亦提升到另一層次，她最想重拍《三更2之餃子》所飾演的中年婦，因她認為已能代入到角色。《亂噏24》足本版逢周四晚上11時播出，讀者可在
http://bit.ly/appletalk24重溫。
撰文：馮國康、Sidekick
今集甫開始，倪匡便猛讚千嬅看似二十多歲，千嬅笑說：「你真係客氣同心腸好好呀！」能夠保持年輕容顏，除了靠化妝品，心境開朗才是良方，千嬅是性情中人，有時因此而得失別人：「我都試過踩呢啲嘢！成日遇到崩口人忌崩口碗！」說的難道是曾傳不和的填詞人黃偉文（Wyman）？
（左起）蔡瀾、千嬅、倪匡及肥佬黎風花雪月，爽！
與Wyman不會生外
當年曾盛傳千嬅與Wyman在派對上因小事反面，自此不相往來。問千嬅可跟對方冰釋前嫌？她說：「認識就係一種感情，只有增多冇減少。𠵱家我哋有機會見番，唔會突然生外咗，因為冇必要扮嘢吖，真係識㗎嘛！」至於造成很多誤會，千嬅歸咎於娛圈的渲染：「我諗有好多唔識我哋嘅人煲大件事，娛樂圈容易渲染唔真實嘅是非，未必淨係傳媒，自己圈嘅人都好多嘢諗。」她表示假若還生氣，當日便不會挺着大肚亮相Wyman作品展：「呢個真係一個honour同情意結，我朋友作品展，有機會share到，好開心。」
在娛圈生存要承受極大壓力，肥佬黎認為明星能活得開心不易。千嬅坦承有不快時，最重要是懂得調節，她自爆以前因太直腸直肚，得罪了老闆而不自知。但她最介意一件事，就是被標籤為世界女，她說：「呢啲係家教同禮貌，唔通搵水潑你叫有型咩！」
千嬅去年腹大便便捧Wyman場，場面感人。
千嬅曾與不少導演合作，蔡瀾問她與哪位最合拍？千嬅婉轉地答：「不如話挑戰性高啲，其實拍杜琪峯係有壓力。」肥佬黎反應最快：「因為冇劇本？」千嬅答得得體：「佢有劇本，但你要捉摸佢嘅節奏。」她遺憾以前拍戲沒有清楚掌握演員守則，有些事未經消化便去演。蔡瀾問到當日拍《三更2之餃子》會否難抽離？千嬅說：「嗰時30歲，做少女又核突，又做唔到女人嗰樣嘢，好尷尬！嗰陣好少人搵我拍戲，又開始對自己有懷疑，嗰段時間最難過。」
千嬅希望有機會重拍《三更2之餃子》。
想再跟陳果合作
求突破，千嬅在《三》片扮演一名45歲的中年婦人，發現丈夫梁家輝有婚外情。她拍攝前已做足功課，但發現未經歷過那些階段，很難投入情緒。肥佬黎再問最想與哪位導演合作？她想了半晌也講不出答案，事關有太多導演未合作過， 她說：「如果揀個導演想再合作多次，我仍然覺得係陳果，因為套《餃子》我可以做好啲。」
肥佬黎問：「上次係幾多年前？《水餃》吓話？」被點中笑穴的千嬅喪笑：「《水餃》可以下次拍喎！」她透露拍《三》片已是十年前的事，現在已為人妻，能貼近女主角心態。
from:
http://hk.apple.nextmedia ... 131115/18508527
