人妻呂慧儀樣貌身材依然索爆，想不到其夫黃文迪（Dickson）最近疑似偷食，在Instagram放上與「黑甲油」女人車廂拖手相，令妻子醋意大發。昨有眼利網民在微博發現Dickson於6月出席時裝活動時，與搽黑色指甲油的傅嘉莉（Kelly）及兩男子合照，Kelly留言：「其中一位是我入行以來非常尊敬的前輩。」網民小莫說：「應該是這個女的。」
據悉Kelly與Dickson屬同一間模特兒公司，Kelly並做姊妹陪呂慧儀出嫁，她昨在電話中否認是黑甲油女主角：「會唔會係鏡頭錯位？話我係第三者超級絕對冇可能，我哋返公司會見面，但冇私下出嚟。」Kelly前晚在灣仔出席汽車活動，巧合地搽上黑色甲油，她解釋：「個個女仔都會搽黑色，我成日轉色㗎！」早前被影到與外籍男行街，她說：「𠵱家冇男友，佢係好close朋友。」
【C女郎】傅嘉莉前晚出席活動，搽上黑色指甲油的她，惹來小三疑雲。
6月底黃文迪和傅嘉莉齊出席活動，當時傅嘉莉亦是搽黑色指甲油。
微博圖片
呂慧儀自言老公已向她解釋。微博圖片
黃文迪在Instagram放了張與女仔的拖手相，令老婆發爛渣。微博圖片
黃文迪解釋甩身
呂慧儀昨午更新微博，她躺在床上一臉熟睡樣，自言老公已向她解釋：「我會好好的，別擔心。他說手也不是他的，我會相信他……今天生病了，我要倒頭大睡去了。」記者再致電呂慧儀，她否認激到病：「佢仲話我豬，連佢隻手都唔認得？我問佢做乜唔回我微博，好似作賊心虛，佢話太忙冇睇，仲話冇我同佢拖手相，所以借其他人相嚟用。」有網民懷疑「黑甲油」是Kelly，呂慧儀想了想說：「唔係呀？以前同model公司，覺得佢幾靚女，等我睇真啲係咪我老公隻手先！」不過，呂慧儀去年7月與吳卓羲出席活動時搽過黑色指甲油。
from:
http://hk.apple.nextmedia ... 131102/18489499
