傅嘉莉背莊天龍媾富豪

1^# 大中小 young 發表於 2016-7-1 21:17 發短消息

相關主題: 傅嘉莉

資料圖片

傅嘉莉前年被本報直擊同新加坡肥叔叔富商喺車廂咀嘴，之後又被揭同時同另一人夫、法拉利香港代理商人莊天龍友好，被踢爆同遊米蘭錫錫。原來當時傳佢仲有另一已婚富豪密友，不過對方發現佢一腳踏兩船，所以狠飛佢。噚日又有報導話傅嘉莉瞞住莊天龍𠱁掂富豪，翻撻成功，仲用微信深夜談情。另外，莊天龍除咗有老婆外，本身仲有兩個紅顏知己，所以傅嘉莉實情係做「小五」。

撰文：馮仁昭

馮仁昭
from:http://hk.apple.nextmedia ... 160701/19676803

廷伸閱讀/相關主題推介:

相關主題:傅嘉莉

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-6 01:01 發短消息

【唔認戀情】傅嘉莉啜肥叔叔斷正

傅嘉莉
要做女神，首先不要令宅男心碎，加上「為一棵樹放棄整個森林」，對上位中的女星來說絕非上策，故不少女藝人即使「斷正」都否認有另一半，堅持單身。

傅嘉莉

一直自稱單身，但多次被影到與已婚男約會，前年被本報影到在車廂啜爆新加坡知名人士「肥叔叔」Low Check Kian，今年年初再被爆與法拉利代理、已婚富豪莊天龍過從甚密。

黃美棋

為免宅男心目中的美棋BB形象幻滅，與有線主持鍾健威拍拖多年都不承認，直至今年情人節才忽然公告戀情。

莊端兒

跟張致恒拍拖兩年，今年4月中忽然傳分手，莊端兒更以朋友來形容與張致恒關係，但日前在書展宣傳新書，又說會叫對方買200本書支持。

陳庭欣

最近被影到翻撻擁半億物業的「有米大狀」唐偉倫，但之前她與港男冠軍翟威廉拍拖一直不肯認，只以好朋友相稱。
from:http://hk.apple.nextmedia ... 160723/19706566

TOP

3^# 大中小 young 發表於 2016-8-10 06:58 發短消息

傅嘉莉富貴買樓玲玲教揀西區

傅嘉莉近年被指搭上人夫，其中一位是法拉利香港代理莊天龍。資料圖片
【中環】傅嘉莉（Kelly）近年簽大台拍劇，多了不少曝光率，但都不比她的私生活更精采。Kelly忽然富貴，入住南灣豪宅，桃色新聞未停過，但對象大都是富商人夫身份，前年被本報影到與新加坡富商的士車廂攬啜後，又被揭與法拉利香港代理商人莊天龍蜜遊米蘭，她都例牌否認交往。

【聽多過食】

麥玲玲全程講不停，傅嘉莉好留神傾聽。

【實有姻緣】

傅嘉莉聽完麥玲玲指點迷津，兩人大笑。

傅嘉莉前年被本報影到她與新加坡肥叔叔富商在的士車廂攬啜。資料圖片
「實嫁得出」

Kelly日前現身中環文華酒店，剪了短髮及染金頭的她，約了麥玲玲high tea，全程二人傾多過食，其間麥玲玲拎住電話不停向Kelly講解，而Kelly就好凝神貫注聽師傅指點迷津，由於麥玲玲聲線都頗大，隱約聽到麥玲玲指示她今年可以買樓，更提議她揀西區的樓，言語間還提到愛情運，她表示：「放心喎，你八字係會有真姻緣，實嫁得出嘅！」記者前日致電麥玲玲師傅，她表示Kelly問她買樓入市意見：「佢20歲入行冇耐，好快已經搵到首期買沙田第一城，佢嗰時有問我意見話會唔會太細，我同佢講叫佢上咗車先，仲記得嗰時第一城樓價170幾萬，記得佢畀咗一成出嚟！之後佢買太古城嗰陣都有問吓我，係咪啱時機！」

真姻緣未到

據悉，Kelly現以6萬租住南灣豪宅，最近睇中同區一個800幾呎、價值近2,000萬單位，認真富貴。問到麥玲玲師傅Kelly有否問姻緣事宜，她說：「佢仲後生，桃花都旺，不過未必係真姻緣，遲婚會適合佢多啲，但就一定會結到婚！」

採訪、攝影：王梓嫚
from:http://hk.apple.nextmedia ... 160808/19726902

TOP

4^# 大中小 young 發表於 2016-8-10 06:58 發短消息

被吳卓羲暗嘲自製緋聞31歲傅嘉莉車廂攬啜肥叔叔

現年31歲嘅傅嘉莉(Kelly)，係中德混血兒，03年模特兒入行，有「翻版徐子淇」之稱。入行13年，感情生活真係多姿多采，唔係講笑，身邊嘅緋聞男友分分鐘仲多過一街都係嘅波音蝠。

話說Kelly喺19歲嘅時候，佢簽約俾上海仔嘅娛樂公司時，已經深得上海仔歡心，之後上海仔就將佢介紹佢去林建岳旗下嘅寰亞電影，可惜最後話上海仔發現佢同異性過從甚密，將佢打回原形！

13年，Kelly就加盟大台，今次真係機會嚟喇，有機會拍攝重頭劇《衝上雲霄II》，仲有機會成為吳卓羲同胡杏兒嘅第三者，當時仲話吳卓羲用糖水攻勢追求Kelly添。

除咗同吳卓羲自製緋聞，同年佢又牽涉入長腳蟹呂慧儀同黃文迪嘅婚姻，話說黃文迪喺微博上載同搽咗黑色指甲油嘅女士車廂拖住手仔，搞到長腳蟹大興問罪之師，嬲嬲豬咁話：「我想來想去都想不到我甚麼時候塗過黑色甲油，黃文廸你是否記錯了？」之後就有網民估嗰隻手其實係Kelly喎！

前年Kelly就俾《蘋果》獨家影到佢同一個新加坡嘅富商肥叔叔喺的士車廂又攬又啜，當時佢就咁回應：「嗰位係我一個外國返嚟香港嘅朋友，嗰日我自己去買嘢，咁啱佢喺附近就見個面。我哋係長輩同世姪女關係，唔係報道所寫咁樣。」

今年Kelly又再同法拉利香港代理商人莊天龍傳出緋聞，有傳男方陪Kelly去日本慶祝生日，同去過米蘭旅行！
from:http://hk.apple.nextmedia ... 160808/19727231

TOP

5^# 大中小 young 發表於 2017-8-30 00:31 發短消息

傅嘉莉隧道變過河

傅嘉莉
颱風帕卡前晚開始肆虐，狂風暴雨造成多處水浸，傅嘉莉揸車經過隧道時，赫然發現變咗「水潭」，佢喺社交網貼相留言：「本身在中間等嘅的士首先衝過去，但…去到中間…死咗火…後面好多車又冇路走，應該點做好…」網友紛紛叫佢小心唔好衝，噚日佢再貼短片揭盅，原來最後決定過「河」，邊揸車邊叫：「嘩！好驚呀！」

撰文：馮仁昭
from:http://hk.apple.nextmedia ... 170828/20134513

TOP

6^# 大中小 young 發表於 2018-2-6 14:04 發短消息

傅嘉莉恨南極行禮跳水娛賓

藝人傅嘉莉（Kelly）昨日為婚紗展行騷，穿上低胸晚裝大晒Big爆身材。她笑言在寒冷天氣底下行騷感覺特別，自己希望將來的婚禮在南極舉行：「想過凍嘅婚禮，自己本身鍾意大自然，最想睇鯨魚同埋跳落水挑戰。」

傅嘉莉Big爆行騷，預演婚禮。

現時單身的她指今次行騷，媽媽有到場支持，但就未有催她拍拖。問到現時有冇人追？她說：「都有，但要多啲時間再了解吓。（首要條件係咪要唔怕凍？）最好係怕凍，但又肯為我而做。」談及日前在台慶頒獎禮上，她在宣布唐詩詠奪視后一刻流露「天然呆」表情，她直言唔介意被網民Cap低成為潛力圖。

傅嘉莉笑言媽媽未有催婚。

傅嘉莉恨到南極結婚

傅嘉莉（Kelly）昨日於灣仔為婚紗展行騷，Kelly自言夢想於南極搞婚禮，又謂可落水挑戰自己，她透露現時單身，希望先專注工作。提到之前台慶頒獎禮時天然呆被網民製成潛力圖，Kelly笑言不介意並覺有趣：「當時宣佈女主角嘅時候我聽唔清楚，當見係詩詠攞嘅時候，自己真係好緊張，因為我哋喺《四葉草》時認識，大家都奮鬥咗十年，真係好戥佢開心。」

TOP

7^# 大中小 young 發表於 2018-2-20 18:22 發短消息

傅嘉莉狂擺甫士引桃花

自稱單身的傅嘉莉為了催旺桃花，日前見她在尖沙咀行街時，不停在商場大堂的大桃花前徘徊，即使被途人認出眼望望，她仍然在桃花樹下擺晒甫士拍照留念，之後再行化妝品店，又去涼茶舖食龜苓膏養顏降火。

傅嘉莉站在桃花前，不停擺甫士影相。

現年33歲的傅嘉莉（Kelly）入行以來是非不斷，曾多次與富豪傳緋聞，又指她忽然富貴，前年更被拍到與已婚富商在越南某酒店見面，她事後解釋是一場誤會，更稱兩人只是普通朋友。自稱單身的Kelly，雖然感情未有着落，但事業卻十分如意，劇集一套接一套，最近忙於拍攝新劇《包青天再起風雲》，下月到橫店取景。

懶理途人目光
Kelly早前拍攝新春節目時，獲堪輿學家指她今年桃花運和事業運旺盛，她近日亦自爆有追求者，但需要時間互相了解。日前下午5時許，Kelly在九龍塘工作後與女友人乘租車往尖沙咀行街，落車後，她即被附近商場內擺放的一棵大桃花吸引着，不停於桃花前行來行去，之後更着友人當攝影師為她拍照。雖然當時商場內人來人往，期間亦有途人認出她並眼望望，但一心催旺桃花的Kelly一於少理，繼續在桃花樹下擺甫士拍照。

傅嘉莉急不及待睇「完成品」。

傅嘉莉食龜苓膏降火兼養顏。急不及待睇相
影完相，Kelly急不及待取回手機檢視相片，邊行邊睇，其後再孖女友人往連鎖化妝品店閒逛，不一會已有斬獲。之後途經附近涼茶舖時，她即入內搵位坐低食龜苓膏降火兼養顏，約15分鐘後，她極速食完離開，繼續在該處閒逛。

文、攝：追蹤組

TOP