肥叔叔威震星洲來頭勁傅嘉莉認約會拒斬纜

1^# 大中小 young 發表於 2014-10-13 09:40 發短消息

現年29歲的混血女模傅嘉莉（Kelly）被本報獨家影到與四眼肥叔叔在的士車廂內又攬又啜，肥叔叔疑是有家室之人，同日晚上相約太太和女兒食飯。

昨日有讀者爆料，指肥叔叔來頭好勁，是新加坡知名人士，名叫Low Check Kian，現年55歲，除開設律師事務所外，更是市值23億坡紙（約140億港元）、船運公司NOL的董事，曾任世界頂尖的財務管理及顧問公司之一的美林證券亞太區主席，退休前是新加坡交易所獨立董事。Kelly昨日接受電話訪問時表示不清楚肥叔叔背景：「係去新加坡旅行，一班朋友聚會時認識，淨係知佢做投資，其他唔係太清楚。」

在朋友聚會認識

報導出街後，兩人仍有聯絡，問Kelly可有向肥叔叔致歉？她說：「大家都好明白當晚唔係報導所講嘅事，所以冇話sorry唔sorry。」會否避見？她說：「如果佢再嚟香港，又或者我再去新加坡，睇大家夾唔夾到時間，順其自然，但唔會單獨見面。」

Kelly在車上與肥叔叔啜啜，但她死撐只是角度問題，二人沒有錫。

資料圖片

肥叔叔原來是新加坡知名人士，Kelly表示知道他有老婆（圖）及仔女。

資料圖片

Kelly昨日要開工，直言對與肥叔叔攬啜相見街，感到不開心。

早知有太太兒女

Kelly昨日返將軍澳開工，再為事件澄清，她說︰「嗰位係我一個外國返嚟香港嘅朋友，嗰日我自己去買嘢，咁啱佢喺附近就見個面。我哋係長輩同世姪女關係，唔係報導所寫咁樣。」但明明有片被影到錫嘴及額頭，Kelly口窒窒死撐說︰「唔係報導所寫親密動作，係角度問題，錯覺啫，冇錫過。」

Kelly又表示知道肥叔叔有太太及小朋友，但始終不是圈中人，不欲多談。她直言為事件感到不開心：「有啲唔開心，所以希望澄清，等家人唔使擔心。」

採訪：嵐山
From:http://hk.apple.nextmedia.com/entertainment/art/20141011/18896053

廷伸閱讀/相關主題推介:

相關主題:約會傅嘉莉

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-10-13 09:54 發短消息

直認拍拖冇年齡界限傅嘉莉唔驚肥叔叔老婆

兩位Kelly同場，傅嘉莉（右）最近因啜肥叔叔成新聞人物。

混血女模傅嘉莉最近在的士車廂內啜爆新加坡猛人、「肥叔叔」Low Check Kian成為新聞人物，昨日與陳慧琳、謝婷婷、關楚耀等在太古城中心出席時裝騷。穿上粉紅色閃石裙的傅嘉莉神采飛揚，似乎未受事件影響心情。傅嘉莉直認報道出街第一日有與肥叔叔聯絡，她說：「因要話佢知，但之後冇啦，佢唔係圈內人，唔鍾意高調。」肥叔叔的太太有沒有「詐型」？她說：「以我所知佢有話畀家人聽，乜嘢反應我又冇問喎。」

傅嘉莉與肥叔叔在車廂啜爆，她表示不介意認識對方老婆（小圖）。資料圖片
傅嘉莉又表示大家是朋友，不排除將來會約見面，可會叫對方介紹其太太認識？她說：「大家係朋友可以，我知佢有太太，但未見過。」傅嘉莉被問是否破壞人家庭？她避重就輕答：「當時一班人認識，好了解對方有冇屋企各方面，但唔會因為咁而唔做朋友。」追問被拍下親吻照，她繼續耍太極：「我呢排忙拍劇，未必會見。」可擔心其太太看到相片？她說：「呢啲報道冇得控制邊個人去睇。其實當日我買咗對鞋，對鞋放旁邊咪坐得埋咗。」她直言拍拖對象沒有年齡界限，只注重雙方溝通。

婷婷戥鋒菲復合開心

另謝婷婷剛由倫敦、意大利工作返港，與男友分隔3個星期好掛住對方，亦知道哥哥謝霆鋒與王菲復合，好替對方開心。有傳霆鋒放1個月假陪阿菲，她說：「吓？問謝霆鋒新戀情好奇怪呀，噚日佢話我知喺北京，但唔會專登恭喜佢，我哋會扮cool。」拉姑有沒有嬲？她說：「唔知，同媽咪好耐冇見，下次做吓功課先。但佢離婚一段時間都冇拍拖，無論邊個都好，我都戥佢開心，終於有得愛同有得被人愛，人生係為愛而生存。」她透露曾與王菲有一面之緣，對方溫柔say hi，但當時霆鋒不在場。而陳慧琳表示大仔劉昇好鍾意食韓國食品，而她亦希望與金秀賢、全智賢、李敏鎬等合作，問金秀賢與老公誰較靚仔？她笑說：「兩個都唔同，一個外在一個內在，但大仔梗係靚仔過金秀賢啦。」

採訪：黃曉妍
攝影：陳俊強
From:http://hk.apple.nextmedia ... 141013/18897890

TOP

3^# 大中小 young 發表於 2014-10-13 10:13 發短消息

傅嘉莉否認咀有婦之夫

藝人傅嘉莉昨日現身電視城，為無綫新劇《張保仔》外景戲份化妝。問她日前被拍得與中年大叔於的士內又攬又錫？她堅稱對方為外國朋友，當日只因順路而同車。

傅嘉莉

她指被拍到二人嘴對嘴純屬鏡頭及角度的錯覺。她坦言因報道而不開心，更令家人擔心。嘉莉又坦言知道對方有家室及子女，她強調二人只是長輩及世姪女的關係。
from:http://orientaldaily.on.c ... /00282_058.html

TOP

4^# 大中小 young 發表於 2015-1-5 11:25 發短消息

傅嘉莉生日收花任影

下周二是傅嘉莉的30歲生日，昨日下午4時30分左右，戴了帽的她相約一名女性朋友到中環置地廣場一間餐廳內嘆下午茶。

見她手上拿着一大束鮮花及一張英文生日卡，相信是其女友人所送，之後傅嘉莉叫侍應為她們拍照。未幾，有女fans認出傅嘉莉，並邀請她影合照，心情大好的傅嘉莉欣然答應。
from:http://hk.apple.nextmedia ... 150103/18989418

TOP

5^# 大中小 young 發表於 2015-1-13 11:33 發短消息

傅嘉莉生日出禍

傅嘉莉生日過後即生病，要去醫院睇急症（下圖）。

傅嘉莉前日30歲生日，不過她今年慶祝生日的方式認真特別，雖然在生日前夕有不少朋友為她慶祝，正日當日收了媽媽和家人送上的99支粉紅玫瑰，但未知是否太盡興，昨日凌晨時分，她在微博貼了去醫院看急症的相片，只見她戴上口罩，一臉倦容，她留言說：「肚一直在痛，想不到生日也要去醫院，又要打針。」

事後Kelly稱醫生指她有輕微感冒及腸胃炎，幸好只需食藥打針休息幾天便可。至於生日願望，Kelly說：「最希望喺下一個十年，可以專注發展自己嘅演藝工作，可以有多啲唔同新挑戰，可以帶畀觀眾新驚喜。」

撰文：張曦彤
from:http://hk.apple.nextmedia ... 150108/18994868

TOP

6^# 大中小 young 發表於 2015-2-13 15:47 發短消息

傅嘉莉新年求姻緣

傅嘉莉和三位小朋友寫賀年揮春。

傅嘉莉（Kelly）昨日與堪輿學家雲文子到土瓜灣出席預祝新年活動，Kelly以紅色透視裙出現，與小朋友一同玩遊戲，俯身時不經意展現好身材。可有向師傅請教新年運程？她說：「遲啲會搵師傅問吓，其實我每年需要嘅話都會去攝太歲，我同媽咪都犯太歲，所以都會去。又會問吓自己事業同姻緣啦，不過身體健康最重要。」

Kelly又說每年都會到年宵買花，問到新年可有假期時？她說：「應該會有嘅，不過唔敢食油膩嘢，因為之前腸胃炎，又好多朋友感冒，自己之前開工都連續發燒三日。」

採訪、攝影：藍文浩
from:http://hk.apple.nextmedia ... 150202/19025368

TOP