上個月底剛度過51歲生日嘅關之琳（之之），早幾日佢出席活動時話如果有日結婚，一定會公開。事實上之之自07年同現年56歲嘅台灣富商陳泰銘傳緋聞之後，已經半淡出娛樂圈。近日喺香港嘅陳泰銘前晚同之之兩個人撐枱腳，去咗上環好出名、曾經入選米芝蓮食肆嘅大班樓晚飯。
前晚差唔多10點，無綫喺上環一帶拍劇，而往常用嚟接載之之同陳泰銘嘅平治房車，忽然駛咗入附近嘅九如坊。司機見到有記者在場，顯得好慌張咁打電話，仲將架車駛前倒後，盡量駛近大班樓嘅門口。冇幾耐就見到大美人之之企咗喺門口等上車，呢個時候嗰個慌張嘅司機趕忙去後座開車門，之之兩步就跳咗上車。
關之琳前晚喺上環開餐，食完率先上車。之之上車之際，陳泰銘（箭嘴示）先步出食肆門口。DV圖片
陳泰銘上車會合之之。DV圖片
伏低偷偷望
可能個司機真係太緊張，加上九如坊條路有少少暗斜，之之上車之後架平治開始慢慢溜前，好在酒家工作人員同代客泊車員按實架車，而司機趕忙拉好停車手掣。架車停定之後，就見陳泰銘上車會合之之。之之知道有記者影相，就好鬼馬咁笑笑口伏低偷睇記者，流露出少女神態，非常可愛。
採訪、攝影：畢紹基、徐錦池
之之喺車度偷望記者，好鬼馬喎。DV圖片
關之琳同陳泰銘大前年結伴歐遊。
《忽然1周》圖片
from:
http://hk.apple.nextmedia ... 131013/18461409
