近日被傳同貝安琪撻着嘅陳展鵬好旺，今年就有三劇播出，被視為視帝黑馬，於是早排有傳佢經常擺阿哥款兼遲到，搞到班拍檔好不滿。
但據媽咪姐觀察所得，事實同傳言有啲出入。據知陳展鵬對拍檔同幕後唔錯，久唔久就會請班劇務、導演同攝影師食飯聯誼，所以班幕後好like佢。早幾日，媽咪姐就撞到佢同班幕後喺TVB canteen嘆下午茶，佢全程好似跟班咁陪個男幕後買嘢食，唔知仲以為佢先係助手。
陳展鵬不單陪幕後工作人員tea time，仲好戮力做埋買手，唔使講，boss都做埋啦！
等食期間，成班幕後吹水吹到天花龍鳳，陳展鵬就做最佳聆聽者。
台慶晒冷騷當晚，陳展鵬全程掛住同港姐陳凱琳talk，反而跟《巨輪》拍檔鍾嘉欣就企到離行離列。貪新忘舊？
