已經40歲嘅孫耀威近年轉戰台灣，早前因為喺台灣做嘢唔見咗銀包，24小時內就搵得番，即刻讚當地人有人情味，最後仲計劃留喺台灣長住，斥資1,500萬新台幣開夜店落地生根，其實近排香港人都因為同內地人湧嚟香港引發唔少衝突，好多人都話要移民台灣，估唔到老孫咁快實踐。
[img]http://static.apple.nextmedia.com/images/apple-photos/apple/20131113/large/13ec6p11new.jpg[/img
孫耀威同女友陳美詩都係基督徒，拍拖4年都冇性行為。孫耀威話一次可以食40隻生蠔，自誇性能唔錯。
自誇性能勁
93年喺台灣曾經紅過嘅老孫，喺台灣拍戲冇耐就扑槌留低長住，仲同兩個股東合資搞食肆，佢話自小鍾意食海鮮，日前佢喺新夜店狂試北海道進口生蠔，仲講笑話可以一次過食40隻，自誇性能唔錯㖭，但佢同女友陳美詩（Macy）都係虔誠基督徒，咁有冇守教條冇婚前性行為先，老孫就同台灣傳媒話：「已經戴着守貞戒不開機4年，開始比較辛苦，久了就還好。如果結婚了，就會覺得結婚『好爽』！」其實佢同Macy已經計劃結婚，但唔會刻意公開，有咗就一定公佈，老孫話：「我不希望小孩以後偷偷摸摸，有小孩一定會抱出來開記者會。」
from:
http://hk.apple.nextmedia ... 131113/18505008
