歌手孫耀威（Eric）近排多災多難，他早前因在台灣經營的夜店出現問題而鬧上法庭，前日又被一名疑似醉駕的司機撞毁座駕，更被對方爆粗掟錢以求了事，令Eric即時着火，決定一切要秉公辦理！
孫耀威遇上意外，女友陳美詩一定很擔心。
Eric前日在香港遇上交通意外，他在網上自爆座駕遭一名疑似醉駕男子撞毀，更遭對方爆粗掟錢以求了事。
孫耀威以往都會坐保母車出入。
昨日Eric接受電話訪問時，表示事發於尖沙咀某私人會所停車場內，其私家車遭人撞到：「好彩只係我架車爛咗，我就chok咗一chok，個人冇事，大家唔使擔心。」
保護道路使用者
Eric續說，事發後雙方落車了解事件，他聞到對方身上有陣陣「酒氣」，所以要求警方為對方作酒精測試，Eric表示：「我覺得佢唔適合再揸車，如果放咗佢走，對路人或者駕駛人士都唔係咁安全。」
到場調查的警察為有關司機進行酒精測試，結果該司機未能通過測試，故由警員帶走作進一步調查。Eric表示：「今次係我第一次遇到疑似醉駕嘅交通意外，所以會再問律師朋友嘅意見，然後作下一步處理。」
講粗口躁掟現金
Eric指事發後對方一度希望和解了事，但談判態度極差，更出手用錢掟他：「男司機嘅女性朋友，佢態度唔係咁好，用粗口鬧我多『咩』餘，和解咪算囉，之後掟咗疊現金喺我面前，叫我走，又再講咗啲說話。可能佢覺得我係公眾人物，想用呢啲方法解決件事。」Eric直言對方的言行令他覺得他們應受法律制裁：「我望一望個警員，同佢講我唔願意作和解，要求佢哋公事公辦。」
文：音樂組
From:
http://orientaldaily.on.c ... /00282_012.html
