近年除了「事業線」，聽得最多就是「貧窮線」。「貧窮線」看似與名模藝人扯不上關係，不過，各人風光背後，也有最貧窮的日子，流浪一年的關楚耀試過無錢開飯，要咬番薯醫肚，難得是Mandy Lieu揚言無試過「捱窮」！
關楚耀
《時裝活動》：關楚耀
「入行前我去咗台灣流浪一年，打住散工，肚餓都冇錢食飯，主力靠儲落嘅錢生活，為咗慳錢，就食番薯醫肚，又或者喺便利店買便當，都幾難忘。」
《Marks & Spencer時裝騷》：Mandy Lieu
「未試過捱窮，我自己食叉雞飯或法國菜都咁開心，我有過度開朗活躍症，如果有一刻覺得困難而難過，都只係一秒鐘嘅事。」
Mandy Lieu
汪圓圓
汪圓圓
「細個時媽咪比較嚴格，畀零用錢我唔會畀好多。我曾經喺一間餐廳做Part time侍應，啲人見我細路女會畀多啲貼士我，幫補番份人工。」
翁嘉穗
貝安琪
文詠珊
港姐陳凱琳
翁嘉穗
「最窮係喺外國讀書，嗰時又得自己一個，後來搵咗兼職做生活先好啲。」
《Adler閃爍之夜》：貝安琪
「喺紐約讀大學時，媽咪畀零用錢一筆過，而我讀Fine Art要買好多畫具，我又養咗隻貓，自己唔食都要留畀隻貓，後來搵到份工做，情況先好轉。」
文詠珊
「其實我由15歲開始就做part time，自此冇再問屋企人攞錢。金融風暴嗰年，我屋企要大屋搬細屋，不過人生一定有高低起跌，最重要抱住樂觀嘅態度。」
《ZING & MOISELLE華麗聯乘》：港姐陳凱琳
「我讀書嗰陣做part time得最低工資，有一次我同朋友死慳死抵都要去餐廳食法國田螺，一碟6隻要差唔多100蚊港幣，雖然每人只可以食到3隻，不過都覺得津津有味！」
from:
http://orientaldaily.on.c ... /00282_059.html
