周啟生公開狠批Eason聲線麻麻，尤其熱爆歌《碌卡》更是難聽，可是不少歌手力撐Eason唱歌掂，尤其好友楊千嬅更指Eason是「醫神」，其歌曲是她及歌迷們的心靈湯，周啟生親姪周永恒大呼情義兩難全，期望Eason和周啟生合作可擦出「火」花。
楊千嬅
楊千嬅
我認識嘅周啟生係敢言、好直接嘅前輩，佢出發點都係為我哋好，音樂係好主觀，個人喜好難以實在去量度或判斷點樣回饋樂壇，但Eason好多歌都係大家嘅心靈雞湯，包括我自己，喺我失落時候都醫咗我，Eason之前爆咗25場演唱會，相信佢真係一個醫神，絕對回饋咗好多中國人。
謝安琪前晚穿露背裝現身馬國的頒獎禮。（Getty Images圖片）
謝安琪
善意嘅批評會接受，每個歌手對自己都有要求，有不足之處會檢討，不過唱歌要講狀態，大家身為樂壇一分子應互相鼓勵，喺良好嘅環境下先有進步。
周永恒
一個係我阿叔，一個係我偶像，期望佢哋合作可以擦出「火」花，我細細個就聽Eason啲歌，覺得佢唱得好好，作為歌迷，歌只有鍾意同唔鍾意，冇話難唔難聽，《碌卡》嘅製作好出色，可能阿叔係嗰個年代嘅人，所以佢好嚴謹。
吳雨霏
Eason對我哋呢啲後輩係一個好好榜樣、目標同學習嘅對象，佢對音樂充滿熱誠，佢啲歌一定帶畀好多香港人共鳴，依家年代唔同咗，多咗好多網上平台，唱片銷量好難再同以前比。
from:
http://orientaldaily.on.c ... /00282_004.html
