杜汶澤、周秀娜主演的三級新戲《爛滾夫鬥爛滾妻》，前晚到尖沙嘴謝票，因上映一日票房已收約100萬，同場還有導演王晶及𡃁模鍾采曦（Iris）等。阿澤搞笑說：「謝票當娛樂，又唔係我投資，賺錢關我乜事。發哥（周潤發）都有問我邊個諗謝票，我話係我。」
周秀娜作狀扭阿澤的耳仔，大發雌威。有網友醋意大發狂踩吳業坤做娜姐嘉賓。
親自下廚
杜汶澤的老婆田蕊妮昨天生日，但有記者說錯阿田結婚，阿澤聞言爆粗說：「如果佢結婚我就大X鑊。」因老婆想和近日收養的愛貓一同切蛋糕，但很多餐廳都不准帶寵物，因此阿澤決定在家下廚，招待一班老友，阿澤又稱：「禮物原想買金色iPhone5s，但炒到成15,000蚊，離晒譜，金色啫又唔係真金。」
前日剛播完的無綫節目《度身訂造旅行團》最後一輯是娜姐做嘉賓，但有網民狂踩吳業坤有份參加，娜姐說：「我唔知，冇睇網上嘢。」阿澤在旁搞笑稱：「畀我都唔鍾意，捱咗20年先可以同娜姐結半次婚，吳業坤算乜。」娜姐笑說：「如果你搞，我都報名玩。」阿澤即送高帽：「如果你做fans就浪費晒。」
from:
http://hk.apple.nextmedia ... 130929/18442360
