杜汶澤半年操fit，成功搣走豬腩肉。佢話每日一小時帶氧運動，一星期要舉重三至四日，但最重要都係控制飲食，少食多餐，過午唔食澱粉質，戒絕油同糖。其實聽落，好似要日日食白烚嘢咁，都幾辛苦。
不過阿澤咁努力去整走肥膏，網上竟然有人抽水，乘機用阿澤去賣減肥藥廣告，話阿澤減得咁快係因為食咗藥，阿澤噚日就喺fb澄清：「近日發現網上流傳本人使用某減肥產品，在此聲明，本人未有使用市面上任何減肥產品，亦未有替任何減肥公司作代言，消費者應小心注意，以免受騙。如有任何人士繼續利用本人為其減肥產品作宣傳，本人保留一切法律追究之權利。本人深明賺錢辛苦，但亦需向該等人士奉勸一句：『蠱惑仔，搵食行遠啲！』」
阿澤之前都話過：「不要相信任何秘方，只能相信你自己的決心和紀律。」大家減肥都係靠自己，咪靠食藥啦！
from:
http://hk.apple.nextmedia ... 130922/18432937
