自從DaDa抑鬱辭演電影《喜愛夜蒲3》，益晒原本在戲中只做路人甲的許亦妮（Whitney）跳級做正選。水鬼升城隍，許亦妮甚至唱通街自己才是唯一女主角，但埋位現「真章」，戲屎狂NG，累全世界日日拍足二十粒鐘無得收工，成為頭號犯眾憎。
重新洗牌DaDa唔拍，《喜愛夜蒲3》劇本要大執，原本安排她跟韓籍演員肉搏戰的重點場口，改由雨僑頂上，而雨僑的角色就由許亦妮補位，加上Jeana以及在戲中以醜角示人的Celia K.，四條Queen戲份平分春色。盡量做到各有發揮，但許亦妮居然周圍自吹自己才是唯一女主角，《夜蒲3》多女仔，是非一傳十、十傳百，加上許亦妮演技差，做咗「NG殺手」，簡單幾句對白都應付唔到，拖累全組台前幕後冇得收工。「導演租咗個夜場幾日拍室內戲，其實時間好有限，但Whitney（許亦妮）就吓吓NG，搞到大家要捱眼瞓陪佢，現場咁多人，冇人夠膽同佢傾偈，淨係想佢專心啲拍戲，拿拿聲拍好大家收工。」在《夜蒲3》因身材玲瓏浮凸率先跑出的Barbie，開工時繼續sharp醒吸睛。
許亦妮傍晚七點多鐘架着黑超到現場，但據知她一早已到了中環，只是待在對面街Salon等埋位，似乎不想與其他女藝人待在一起。
場內所見，許亦妮只是獨坐一角玩手機，沒有與其他演員溝通。
外傳其他女演員埋雨僑（左起）、Barbie及陳宛蔚堆，三人未埋位也真的坐在一旁言談甚歡。
同場避得就避又要扮一姐，演技又唔達標，犯眾憎的許亦妮，同其餘三位女主角雨僑、Jeana、Celia K.，開工零交流，經常坐埋一邊做獨家村。
早前《夜蒲》到中環夜店Magnum開工，日日有份被許亦妮拖累開通宵的雨僑，對於開工只有個多星期便傳出不和是非，雨僑說：「日日都要趕工，我只專注做好自己嘅戲，其他嘢唔會理，暫時我同Celia K.對手戲比較多，同Whitney唔算熟，好難評論。」而Celia K.跟雨僑亦口徑一致：「套戲好多女演員，比較集中應該喺雨僑、Jeana、Whitney同我身上，不過我同Whitney好少見，見到都會Hi吓，同佢唔熟。」至於Jeana，回應得較為避忌，「開咗工幾日，唔覺得有乜特別。」
四位女角先後到場開工，最遲一個現身的許亦妮，未有第一時間行入Magnum，反而在對面街的Salon化妝閒坐，到晚上七點多才行入拍攝現場，有心避開其餘三位女角，繼續做獨家村。
雨僑日接夜趕戲，對於許亦妮傳出是非一事表示不太清楚。
Barbie早早到達現場，一頭金髮與她玲瓏有致的身段同樣吸睛。
錢國偉女友陳宛蔚腳傷未癒也照開工，因不想阻礙拍攝進度，十分體恤男友。
Jeana早一晚凌晨才收工，雖然瞓不夠幾粒鐘，為趕戲也提起精神。
惹火自焚
許亦妮是非不絕，參選港姐不停被揭專黐有米男，有米潮人馬天佑也榜上有名。
11年港姐季軍許亦妮唔單只身材惹火，出道至今亦是非不絕，今次處女下海進軍電影界，同樣四處辣着火頭。
釣金龜
趕拍《夜蒲3》到凌晨才收工，許亦妮未有好好休息讀劇本，反而換衫與富少詹勝到棉登徑酒吧約會，難怪開工狂NG。
送上門
許亦妮參選港姐時已是非多多，被傳欠債、做惡毒小三；及後被揭連環搭上十三男。當選後被發現與已婚的天大證券董事施俊威飯聚。到去年底傳與溝女王金剛秘密撻着，有指她經常送上門，貫徹豪放作風。
撰文、
