前港姐許亦妮於個人網站呻日前買蛋糕時，簽帳後被店員擺烏龍將她的信用卡給另一名客人，對方拿了她的卡後便瘋狂購物，隨時要「孭數」的許亦妮為不想搞大事件沒有報警，只向信用卡中心求助，並稱不會再去幫襯這間餅店：「我哋兩個一齊幫襯餅店，張信用卡一樣，店員冇睇清楚個名所以畀錯咗，我哋無端端交換咗張卡，想去攞番點知對方又走咗，追都追唔番，店員太大意，我唔會再去幫襯！」
許亦妮簽帳後被店員不小心換錯信用卡，被盜用花費幾千元，令她無奈嬲爆。
怒轟公司唔查簽名
信用卡被交換，隨時被簽帳而蒙受損失，問可會報警備案？許亦妮昨受訪問坦言不想搞大件事，她說：「即刻打去信用卡中心，查到對方已買咗幾千蚊物品，但中心人員都話幫我跟進，冇損失就算啦！只係好奇怪點解嗰啲公司，接受信用卡簽帳時唔對簽名，因為嗰啲公司都有責任！」信用卡因此被停用，許亦妮未有太不方便，但就表示很不開心：「其實餅店員工都唔啱，佢換錯我張卡都好似若無其事，而用我卡去簽帳嘅人，可能佢自己都唔知張卡換錯，但離譜在接受簽帳嘅公司都係大公司，點會唔對簽名？我覺得好冇保障。」
被盜用信用卡的許亦妮，揚言不再幫襯該餅店。
from:
http://orientaldaily.on.c ... /00282_060.html
