客戶出價150萬潛規則許亦妮：1千萬都唔考慮

1^# 大中小 young 發表於 2016-8-5 23:25 發短消息

相關主題: 許亦妮

娛圈久唔久傳出伴遊、出席飯局、送外賣之類嘅傳聞，又指女星有飯局價，呢啲講到好似係娛圈嘅「潛規則」咁……

呢啲有價有市嘅生意，似乎唔少中介都搵主動去星，陳美詩之前被一男子問價，稱「我老闆很喜歡你，有意和你上床」，其後孫耀威代女友回覆「其實我自己也可以陪你呀老闆」……呢啲事屢見不鮮……

擁35D「胸湧」上圍嘅許亦妮（Whitney），早前同貌酷似韓國「江南大叔PSY」嘅男友夜蒲，自從上次佢個男友被本報影到佢疑趁許亦妮去廁所，即攬另一長髮女去VIP區啜爆，仲有朋友幫佢睇水，事後許亦妮暗示同男友分咗手，佢仲話自己冇男友!

回覆「單身」之後，Whitney昨日喺微博貼出對話cap圖，有人問佢「150萬吃一頓飯」，佢更寸爆講「就算300萬，500萬，1000萬，多少錢我都不會考慮」，又指「第一，我不是這種女人！第二，我不會從這種途徑認識朋友；第三，我就算是窮到甚麼地步也不會選擇從這樣的途徑賺錢！請大家別再問了，敬請再詢問以及發送變態信息。有時候大半夜看到真的嚇死我的！」最後……佢仲好有禮貌咁講謝謝……

問價者留言如下：

「Hello許小姐，請問有活動怎樣聯繫你?」

「請盡快聯繫我」

「飯局活動，價格50萬」

「許小姐，客戶現在出價100萬，請問你是否考慮?請盡快回覆我」

「我在Ins上有私信你」

「許小姐，你WeChat多少?我要聯繫你的」

「或者你add客戶WeChat」

「150萬，盡快回覆我」
from:http://hk.apple.nextmedia ... 160716/19697714

廷伸閱讀/相關主題推介:

相關主題:許亦妮

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 巴塞王子 (IP: x.148.146.x) 發表於 2016-11-5 19:16 發短消息只看該作者

許亦妮網上絕迹疑淡出

許亦妮雖與無綫仍有合約，但零工作量。資料圖片
許亦妮在2011年奪港姐季軍及最上鏡小姐後曾獲無綫力捧，惟去年有傳她傾續約時獅子開大口後遭雪藏，工作量變零。最近有人發現她不但沒有露面，也不再活躍社交平台，對上一次更新微博已是8月中的事，Instagram更加有55個星期沒有更新。

據知，許亦妮目前跟無綫仍有合約，沒有工作的她，今年5月被影到男友背着她與同場另一女子激吻，但事後她否認該男子是男友。雖然許亦妮入行以來是非不絕，但知情者讚她為人爽直，性格大癲大肺又是神婆一名，相信是負面新聞多，令她不信任身邊人。

撰文：李察
from:http://hk.apple.nextmedia ... 161104/19821675

TOP

3^# 大中小 巴塞王子 (IP: x.148.146.x) 發表於 2016-11-5 19:16 發短消息只看該作者

媾13男戰績彪炳許亦妮男友非富則貴

2011年港姐季軍許亦妮，事業嚟講真係唔算精彩，不過佢感情生活呢，真係好睇過大台啲劇，資料顯示佢截2016年已經有連媾13男嘅記錄，當中有唔少係富二代級。

健身中心太子爺陸征宏
有指許亦妮透過陸征宏介紹認識無綫高層樂易玲，亦有指樂小姐想簽佢做藝員，不過許亦妮就要求先參加港姐打造高貴形象。

物流太子爺孔樂勤
雖然家族經營空運物流，不過孔樂勤修讀室內設計，家底好兼夾夠晒靚仔嘅孔樂勤梗係夠晒吸引，有指許亦妮係撬走唐貝詩當時係佢男友嘅孔樂勤。

證券公司董事施俊威
許亦妮當選港姐季軍後同年，被傳媒影到與天大證劵董事施俊威（Ray）拍拖撐枱腳，不過離開餐廳時卻面燶燶。

前太陽集團高層盧啟邦
許亦妮喺2013年被影到同當時被指係大陽娛樂老闆周焯華（洗米華）愛將盧啟邦（Andrew）約會斷正，及後有指當時Andrew早有正印女友蔡一鳳，最後許亦妮被飛。

除此之外，仲有旅行社太子爺李尊豪、林建名兒子林孝信、楊超成幼子楊嘉傑，而最近期嘅就有肥仔男友，不過年中佢就被影到同位身型略伴嘅男士喺澳門夜蒲，而當日佢仲親眼見到男友同一位長髮索女狂啜，而許亦妮接受訪問嗰陣就話嗰位唔係佢男友咁話！
from:http://hk.apple.nextmedia ... 161104/19822113

TOP

4^# 大中小 巴塞王子 (IP: x.148.146.x) 發表於 2016-11-5 19:16 發短消息只看該作者

拍戲被數4宗罪許亦妮都曾經風光過

許亦妮近年完全冇工開，劇集、電影都見唔到佢嘅蹤影，對上一次活動，都已經係上年6月嘅事，但喺佢消失之前都曾經風光過。

2011年許亦妮參選港姐，得到咗季軍同最上鏡小姐，一場嘅時候，佢驕人身材令人眼前一亮，入咗大台之後，頭幾年都係做下主持咁，到咗2013年就第一次拍劇，喺演《老表，你好嘢！》，當時佢凸到對眼大一大嘅一幕，都可以話係代表作。

之後就分別係《師父，明白了》、《舌劍上的公堂》同《潮流教主》，演第四女主角，同埋客串過《名門暗戰》，之後喺電視上見到許亦妮，都只係佢主持嘅節目。喺拍攝影電影《喜愛夜蒲3》嘅時候，被數四宗罪包括扮大牌、恰新人、搶人衫及卸膊等等。

其實都許亦妮都有過巴閉嘅一次，舊年有周刊指佢拍完《喜愛夜蒲3》做女主角之後，疑自覺「升呢」，返大台開工，又唔跟稿及玩遲到，之後仲向大台「獅子開大口」。大台一向人工奀就眾所周知，當年「民選港姐」陳凱琳有傳底薪得8千蚊，仲被要求簽長約，反而11年當選季軍嘅許亦妮就身在「福中不知福」嘞！底薪有成12,000蚊簽佢4年，另再計500蚊一騷，又有經理人合約喺手，據知許亦妮曾向余詠珊提出今年8月續約，要求加薪4倍，即4萬8底薪，另加到1,000蚊一騷，佢更同余詠珊講，如果唔肯加人工就唔續約，但據知許亦妮o依家雖然冇工開，但係都仲有同大台有約，只係唔知完咗約之後，佢會唔會淡出娛圈。
from:http://hk.apple.nextmedia ... 161104/19822160

TOP

5^# 大中小 young 發表於 2017-6-25 21:11 發短消息

結束六年賓主關係許亦妮親解「獅子開大口」之謎

2011年港姐季軍兼最上鏡小姐許亦妮，去年中演出完劇集《潮流教主》後，突然跌入「失蹤人口」組別，盛傳佢被大台雪藏，許亦妮當時話係打理屋企生意，少咗喺幕前現身。

許亦妮昨日喺Instagram貼出自拍相，見佢喺電視城門口留影，留言：「和TVB一直合作愉快，前幾天結束了六年的賓主關係。」原來佢被雪藏咁耐，終於同大台正式約滿，昨日返去派番啲嘢，同大台講bye-bye!

「最後一次回公司的感覺百感交集，腦袋重現很多點滴及回憶，TVB是我成長的地方，從外國回來香港第一份工作就是當選成為香港小姐，到外地參加Miss International比賽，然後就開始了演藝事業。」

許亦妮感激TVB過去6年俾佢經驗、經歷同機會去拍電視劇、電影、綜藝節目同擔任節目主持，令佢嘗試做醜角、壞人、壞女孩同乖乖女，演過唔同嘅角色，令佢有機會感受唔同嘅人生百態。

對於早年傳佢「耍大牌」同大台傾續約「獅子開大口」，許亦妮喺文中寫：「我們之間從來都沒有發生過如報道所說的『獅子開大口』要求幾倍人工等等的事件，然後沒有合作的事情。因為不是事實所以之前一直沒有回應過。我亦感謝TVB對我的體諒，除了演藝事業，亦給我時間和空間可以到外邊嘗試不同領域的行業，向外探索自己未走過的路。」

許亦妮感謝過去6年合作過嘅同事，經理人同監製，佢覺得人生係一場經歷，各種磨練，甜酸苦辣，高低起跌都係有安排，每個安排同經歷都有意思，佢認為戲如人生，人生就如戲，每一頁嘅故事同經歷都豐富咗佢自己嘅人生。
from:http://hk.apple.nextmedia ... 170623/20066237

TOP