今年係亞姐選舉25周年，年初亞視話要搞足一年！點知，去到周日（8日）先終於喺深圳搞咗個大型啲嘅泳裝面試，結果梗係嚇鬼多過食飯，仲俾隔籬台嘅王祖藍（係翻版，仲要係慳啲啦baby版呀！）搶晒鏡㖭。不過，今次亞視算有心搞，已經落實會去澳門、台灣、北京、巴黎同萄葡牙拍亞姐特輯，仲想搵埋至靚亞姐楊恭如返嚟拍。由於依家亞姐質素咁驚嚇，楊恭如已經話要拍內地劇，推咗！最後由羅霖同楊玉梅孖咇頂上。Btw，對比依家呢班，兩位大師姐都夠搶咯。
「祖藍」變節亞視助理副總裁（製作）冼偉智原來係王祖藍舅父，佢見到(16)蕭翠婷都話覺得好親切呀！呢位翻版「慳啲啦baby」除咗髮型化妝攞膽，仲唔髹腳甲又有厚皮，OMG！
精選極品組，但點睇，都係「Baby」（左二）最搶！
我心血少呀！（設計對白）
