吳君如和陳可辛（Peter）多年來一直表現恩愛，君如早年更為Peter誕下囡囡。但近日內地女星田樸珺自爆和Peter多年來關係非淺，更以「閨蜜」形容他們關係，搞出小三疑雲。前晚君如老竇夏春秋（冬叔）到西九環球貿易廣場出席公司周年派對，現時81歲的他亦有留意君如和Peter這單小三新聞，他坦認和冬嫂為此憂心。
冬叔前晚雖表現鬼馬，但他有為女兒君如擔心。與君如（小圖）傳被小三介入的陳可辛，未受緋聞影響，日前現身多倫多影展。
冬叔謂：「呢單嘢難搞，但係一家唔知一家事，我都唔敢了解。」有否擔心？冬叔坦言：「梗係有，突然爆出嚟，我好信賴佢哋兩個，但又講到似層層。」冬叔指上月去新加坡和泰國亦有見Peter，他坦言希望今次只是緋聞而已，冬叔直言：「就算係仔女我都唔會問呢樣嘢，只有佢自己知點處理。」會否叫兒子吳君祥向君如打探？冬叔謂：「唔會，君祥自己都咁紅，佢黐住個江美儀。冬嫂好擔心，不過順其自然喇，唔係我哋可以有意見畀出嚟，令佢哋可以解決。」
吳君祥和江美儀結伴出席首映，表現恩愛。
「忍到咁咪得」
冬叔眼中君如和Peter感情要好，有否鬧交冷戰過？冬叔說：「冇呀，每人立場唔同，立場同主意都有，講一樣可以接受可以忍到咁咪得，佢做一樣嘢，君如覺冇問題咪得，佢既然話閨蜜係君如，君如梗係信，毫無疑問，任何朋友都支持佢咁講，證明佢冇嘢。」問到冬叔似對這單新聞相當了解，他笑說：「梗係，雞乸咁大隻字，有乜辦法。」而Peter日前和杜鵑為電影《中國合伙人》出席多倫多電影節，完場後觀眾拍掌數分鐘。
此外，君祥和江美儀前晚到尖沙嘴出席首映，君祥談到Peter的「閨蜜」坦言：「大家要將閨蜜嘅定義搞清楚，知道佢哋識咗好耐，由《餃子三更2之一》時已係朋友，君如最近不知幾開心，拍緊賀歲片，當花邊新聞就算。」另昨有內地報道指田樸珺現身在外國，但她的工作人員指田樸珺會繼續寫專欄，不受影響。
採訪、攝影：張俊銘、藍文浩
from:
http://hk.apple.nextmedia ... 130912/18419203
