王祖藍、王菀之（Ivana）、連詩雅、陳嘉佳（細細粒）、莊思敏同王敏德等，日前喺上水一間豪宅拍葉念琛嘅新戲《Delete愛人》，戲中講祖藍有超能力，而許冠文係佢嘅惡波士，但祖藍將佢變成好型嘅王敏德。
當日就講祖藍生日，喺王敏德嘅別墅開池畔派對，玩水槍同波，班主角就好錫身冇人着泳衣，只有𡃁模Jumbo等人着三點式上陣，仲有𡃁模離罩露「缽仔糕」，同場加映埋一頭金髮加誇張紅耳環嘅莊思敏，成功搶鏡。
Jumbo（左）身着三點式上陣演出，搶晒鏡！
咀戲好有Feel
祖藍同演一對嘅Ivana喺戲中冇接吻鏡頭，反而要咀魯芬一啖，祖藍笑話：「咀戲係即場諗，因為當時芬姐真係好吸引，好有少女情懷。而Ivana個角色係守身如玉，如果要錫真係要強吻。」再提到有內地面試亞姐蕭翠婷十足祖藍反串咁款，佢仲即場喺手機睇番當日自己戴假髮扮蔡卓妍張相嚟相比，嘩，好似失散咗嘅孖生姊妹，佢笑話：「最開心係啲評論話我靚過佢，睇佢全身相睇得出佢身高同我差唔多喎。」
喺泳池邊拍戲都咁密實，Ivana笑話：「我可以着三點式，但裏面要再着長袖衫。」
王祖藍睇番手機自己張反串相，靚過位亞姐啦！
莊思敏金毛獅王造型再加埋巨型耳環，幾嚇人。
from:
http://hk.apple.nextmedia.com/entertainment/art/20130912/18419132
