張智霖（Chilam）憑《衝上雲霄II》事業再闖高峰，不過隨着結局篇到來，驚覺「Cool魔」戲份大幅減少，而前晚袁詠儀（靚靚）趁老公身在美國登台期間，充當「代表」睇《衝II》，可惜睇足全晚得個桔，不禁網上留言寫道：「難得今晚睇電視，只看到廣告！無語…更有人提醒我還有一個廣告出現…我頂你個心肝脾肺腎！」
靚靚做觀眾撐老公，發現全晚得個桔。
今日42歲生日的靚靚陸續收到友人送來的生日禮物，Chilam亦於昨晚趕返與老婆共度生日。靚靚昨接受電話訪問謂：「其實生日唔會特別慶祝，都係同屋企人及朋友食吓飯咁啦。（有咩生日願望？）都係身體健康同順順利利啦，最好我個仔可以大隻番少少。」至於Chilam日前登台反應熱烈，打破當地入座率紀錄，粉絲逼爆現場相當墟冚，返港前不忘留言多謝各界支持。
from:
http://orientaldaily.on.c ... /00282_032.html
