近年Crop Top又冒起熱潮，令整個季節充滿夏日風采。Crop Top亮點為突出小蠻腰，因此較瘦削的女士能穿出骨感美。話雖如此，露腰裝絕不蝦人着，不過如搭配錯誤的褲或裙時，會令造型顯得過分暴露而變得低俗，簡單配搭高腰褲或裙已十分穩陣，添上適量的accessories已呈現時尚味道。時裝blogger Janice認為鄭融把Crop Top演繹有青春活力，無論服裝圖案、高踭鞋或髮型，都sharp醒過人，Janice至like！
鄭融
鄭融
「套衫圖案好靚，而且佢着出青春活力感，雖然黑色較沉色，但圖案夠晒sharp，與充滿時尚感嘅booties搭配得好靚。髮型方面清爽有型，好襯佢。」
鄧紫棋
「今次好玉女形象，都OK，不過我比較鍾意佢走型格路線。髮型充滿復古味，又露出小蠻腰，勝在青春無限。雖然整套衫同裙都好簡單，但見到佢有搭配過，例如戴頭飾、頸鏈。」
莉莉哥連斯
「魚尾裙襬係好典型晚裝裙，畀人高貴感覺，普通唔特別。佢向來都係時尚界代表，所以今次造型唔算突出。衫同裙冇特別設計，one tone極簡約，不過不失。」
鄧紫棋
陳法拉
陳法拉
「好靚，有時尚感，依家興傘裙，而且條裙嘅細節位好精緻，有立體樹葉同花裝飾，顏色組合亦好靚，法拉有年輕活力感，非常適合呢個50年代小淑女風。」
珍妮花羅倫絲
王麗儀
珍妮花羅倫絲
「黑白色組合唔錯，款式都係casual，不過襯番對現時流行的booties，時尚感立即提升；上衣又有graphic print點綴，襯白色裙好靚，唔似tone-on-tone咁悶。」
Rita Ora
「套衫唔特別，反而對長boots先係重點，夠誇張又有圖案，有visual impact。呢個造型係靠對boots去帶出亮點，如果唔係對鞋，套衫就顯得太casual。」
王麗儀Profile
王麗儀（Janice Wong），一位時裝作家及博客（blogger），是16年前華語媒體中首位遠赴歐美時裝周報道的時裝編輯，更經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。
from:
http://orientaldaily.on.c ... /00282_070.html
