鄭融約滿玩失蹤,網友開帖尋人

1^# 大中小 young 發表於 2015-1-26 19:22 發短消息

相關主題: 鄭融

鄭融最近幾個月好少喺樂壇蒲頭，搞到網友喺討論區開帖：「尋人啟事：鄭融去咗邊？」有網友仲好抵死咁留言問膚色黝黑嘅鄭融：「係咪去咗菲律賓發展？」馮仁昭收到風，鄭融原來舊年年尾同星娛樂約滿，結束六年賓主關係，唔怪得呢幾個月好似消失咗咁啦。

前日馮仁昭打電話畀鄭融，佢話：「我同舊公司係完咗約，𠵱家傾新公司，呢段時間有啲工作喺內地商演，農曆年會去美國做嘢，多謝關心。」問係咪因為合作得唔開心所以走？鄭融否認：「梗係冇，我同星娛樂大老闆薛生（薛嘉麟）關係好好，之前工作遇到困難都會同佢傾。」

鄭融坦言：「我都走咗，唔講咁多」，似迴避有關關心妍（圖）嘅問題。資料圖片
避談唔妥關心妍

關係好點解唔續約？鄭融𠵱𠵱哦哦話：「唔講太多，自己唔叻講嘢，我諗住轉換環境啫。」有傳鄭融覺得公司偏心關心妍，佢冇否認話：「我都走咗，唔講咁多。」鄭融收線後再打畀馮仁昭，再三強調薛生真係好好。

撰文：馮仁昭

馮仁昭
from:http://hk.apple.nextmedia ... 150121/19009436

廷伸閱讀/相關主題推介:

相關主題:鄭融

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-1-26 21:32 發短消息

半馬：鄭融自我催眠當行街

失蹤多時的鄭融昨蒲頭跑渣馬，她謂將加盟新公司。

鄭融約滿星娛樂後失蹤一輪，被網友在討論區開尋人啟事，昨早她終現身參加半馬比賽，還自備計時器計算成績，怎知計時器去到十八公里時卻暫停，她說：「跑時諗住自己好鍾意行街，一諗行街就唔覺得攰，又諗起細個同家人出街，俾媽咪鬧行得快。」問到有否諗事業？她說：「成日都要諗事業，要好專心先完成，自己同唱片公司完約，傾緊其他公司，最基本係堅持唱歌同音樂，知道唱片市道好吃力，要同新接觸公司慢慢傾，𠵱家好盛行網上宣傳，總之自己對唱歌好有心。」

Regen跑得忘我，完成後高呼：「阿媽！我得咗！」

鄭融舊公司歌手Regen（張惠雅）首次跑半馬，她昨在社交網站興奮留言：「阿媽！我得咗喇！」還寫道：「平時成日覺得會有鬼企喺隧道有啲陰森，不過今日好熱鬧陽氣好盛。」陳家樂亦在微博留言沒想過可以跑完半馬。
from:http://hk.apple.nextmedia ... 150126/19016145

TOP

3^# 大中小 young 發表於 2015-4-5 14:33 發短消息

鄭融簽Bob即仆

林盛斌（Bob）開設娛樂公司，昨日在北角舉行記者會，宣佈簽約鄭融、劉威煌為旗下藝人，及為台灣組合Lollipop@F大中華地區做宣傳，亦會與鄧智偉及莊冬昕合作。穿上六吋高跟鞋的鄭融上台時仆倒，她尷尬說：「好彩隻手頂住地下，但隻腳應該瘀晒。」鄭融謂不怕與莊冬昕再傳緋聞，現任男友不會呷醋，與舊公司合約糾紛已和平解決。

採訪、攝影：溫敏芝
from:http://hk.apple.nextmedia ... 150401/19096995

TOP

4^# 大中小 young 發表於 2015-5-2 13:16 發短消息

鄭融拖友人食泰菜

最近再度活躍嘅鄭融（左），日前約埋友人去行街兼食飯。

【圓方】鄭融約滿星娛樂後失蹤咗一輪，今年年初直頭有網民喺討論區開post，用失蹤人口嚟形容佢，話要登尋人啟事。不過，鄭融上個月正式宣佈加盟Bob做老闆嘅娛樂公司，最近再度活躍，除咗之前大賣性感拍咗兩個MV，仲好勤力學普通話。

日前鄭融喺Instagram上載一條學講普通話嘅短片，佢叫老師示範「四是四」、「十是十」同「屎是屎」等發音，老師講完佢就笑到收唔到聲。事業發展有着落，鄭融心情當然好，日前大約黃昏6點，佢就約埋一位女友人喺圓方商場行街，然後就一齊去食泰菜。

採訪、攝影：潘冠恩
from:http://hk.apple.nextmedia ... 150427/19126438

TOP