胡定欣搵鍾嘉欣報仇

鍾嘉欣同胡定欣噚日喺西貢拍攝無綫新劇《飛虎II》，劇情講述大奸角定欣為咗男友李思捷被殺，結果搵嘉欣BB報仇，不過嘉欣BB同女拳王定欣對打，真係強弱懸殊，定欣都話：「之前係同拳手打，真正同女藝人打，嘉欣係第一個，我都驚會打親佢。」現場見嘉欣BB手腳都帶晒護膝，佢就話：「拍《飛虎II》好多打戲，有朋友介紹我用呢種護膝。」
from:http://hk.apple.nextmedia ... 130830/18400989

藝員鍾嘉欣與胡定欣昨日到西貢為劇集《飛虎II》拍攝二人對打戲份。嘉欣有備而戰配戴保護裝備到場：「以前唔錫身，試過成身瘀晒三年都唔散。」問到是否緋聞男友伍允龍教用，她說：「係另一個。（仲有另一個？）我指係另一位同事。（向伍允龍請教功夫？）無時間，靠天才波。」她笑言聽聞定欣識三種功夫，包括「沙巴」，記者反問是否「沙包」，她即哈哈大笑。同場定欣一頭白髮亮相，直言嘉欣平時陰聲細氣都驚打親對方。對於有指她籌備婚禮，她笑言：「每次有劇出都話我結婚，之後仲有三部劇，要再結多三次。不如先生後結，驚年紀大生唔到。」

嘉欣（右）與定欣都擔心會打親對方。
from:http://orientaldaily.on.c ... /00282_036.html

胡定欣於劇集演代母一角極具爭議性，要犧牲自己幸福為好朋友生仔，惹來觀眾斥愚蠢。現實生活中，定欣一樣甘願作出犧牲，只可惜身邊最要好的一位朋友已生B，令她才冇機會「假戲真做」，要不然她男友沈栢淳（Patt）真係要冒汗踏入人生交差點。

胡定欣享受工作，未有意結婚。

胡定欣十年前仍是新人演出《衝上雲霄》，今次在《衝Ⅱ》無論思想和演技都有成長，飾演代母一角極具爭議。定欣為了演好CoCo，事前做了很多資料搜集，心理上更要說服自己接受代母這項服務。要知道中國人傳統思想保守，但外國視做代母為純生意角度。不過定欣贊成CoCo做法，現實中若有好友需要，她願兩肋插刀犧牲自己幸福，其行為可以媲美Cool魔「情侶在最燦爛一刻分手」的藝術態度！但豈不是難為她男友Patt？

有BB先結婚
不過定欣向男友大派定心丸，認定Patt是結婚對象，只是大家正為工作衝刺，除非意外有BB。她說：「撇除男友呢回事，要我做代母都OKo架！現實生活中，我都有一個好朋友，為咗投入拍攝，我將呢個好友代入Colby（趙希洛飾）度。不過我呢個朋友其實上年懷孕同埋生咗小朋友，生活得好幸福。當佢知自己其實係Colby，有需要我真係願意犧牲，我呢個朋友反應真係好Surprise！（男友反應呢？）我冇問，佢只讚我演得好，仲放咗我泳衣相上微博以示支持。」

雖然與男友Patt感情穩定，但胡定欣未有意結婚。

胡定欣於劇中做代母，演其男友的黃子恒大表反對。

胡定欣於《衝Ⅱ》的演技備受讚賞。

享受事業衝刺
定欣又稱很多男性朋友覺得做代母沒問題：「始終唔係經性行為而懷孕，當然亦有好多人有不同反應，啟發大家去討論呢個議題。我覺得CoCo呢個角色感動到觀眾，正係演員最想得到嘅互動效果，所以我好享受。（享受目前階段，有冇阻礙同男友結婚計劃？）好似啱啱撻着，演藝事業發展得幾好，唔係好捨得囉！不過男友都係工作狂，大家都唔急結婚，亦冇咩計劃，除非意外有BB。（接受做未婚媽媽？）冇諗過，但我個人都唔係死硬派Step　By　Step，哈哈。」繼代母後再接受未婚媽媽之名，貫徹定欣open-minded作風。

服裝：D-mop

髮型：Matt Chiu@Xenter

化妝：Jessica Chan
From:http://orientaldaily.on.c ... /00282_060.html