無綫《2013香港小姐競選》將於明晚舉行準決賽，20位候選佳麗昨日在電視城投票選出友誼小姐，結果由最多負面新聞、是非纏身的13號歐陽巧瑩奪得，當她收到上屆港姐冠軍張名雅送出的花束後，站在後排的15號蔡思貝和5號朱智賢突然泣不成聲，不少佳麗亦被感染，令在場人士大吃一驚。
事後眼紅紅的15號蔡思貝接受訪問時說：「我真係戥佢開心，我覺得佢受咗好多苦。」說罷突然再度嚎哭，令訪問一度要中斷，冷靜過後，蔡思貝再說：「我覺得啲報道好似針對佢，世界好殘酷。」問到她有否因此而不考慮加入娛樂圈，她說：「如果有機會我都會試，不過睇吓條路會係點樣，如果做人頂天立地，我冇乜嘢要心理準備。」
5號朱智賢亦說：「佢真係我揀嗰個，佢好為大家，好主動去幫我哋，而且我好唔捨得，我哋又唔可以一齊！」莫非因成為友誼小姐的佳麗，大多數會落選，所以不捨得？她說：「贏同輸都會分開嘛，以後好難20個女仔走埋一齊，而且我哋經歷過好多嘢，所以諗起都會唔捨得。」
13號歐陽巧瑩得「友誼小姐」獎，由張名雅送上鮮花。
（左起）5號朱智賢、13號歐陽巧瑩和15號蔡思貝十分老友。
5號朱智賢覺得13號歐陽巧瑩好肯幫人，對方得獎即感動到喊。
港姐候選佳麗投票選出友誼小姐。
談失身：恐怖
得獎後表現冷靜的13號歐陽巧瑩，她稱因不想弄花化妝而忍淚，對於佳麗戥她慘，她說：「我唔覺得自己慘，亦都唔驚，我又冇做錯事，有啲嘢我都覺得好荒謬，無中生有。」有報道指她13歲失身，她說：「呢個又係好恐怖嘅事，我媽咪睇完之後都即刻打電話畀我，係完全冇咁嘅事，嗰陣我一啲都唔靚，唔會有人對我有興趣。」問她對報料者身份是否心裏有數時，她說：「我諗唔會好多人，我人緣唔差，不過我相信生活咗20年，唔多唔少都會得罪人。」
from:
http://hk.apple.nextmedia ... 130824/18392039
