熊黛林、文詠珊（Janice Man）與女模Jocelyn及夫婿等，昨日在上環出席時裝品牌Anteprima20周年活動，熊黛林被指甩走「城嫂」冠名後，身價跌兼工作量大減，對此她笑着否認：「啱啱喺泰國返，同朋友旅行一星期，下星期拍電影，年尾拍另一套戲，覺得下半年冇時間放假，𠵱家放吓先。」
熊黛林剛外遊回港，更謂因怕之後沒時間旅行而先叉電。
工作多冇跌價
問到不再是「城嫂」是否工作減少時，熊黛林說：「邊有呀？之後會見我多啲，一星期幾次。」騷價有否下跌？她說：「唔係，工作量比去年多，騷價冇影響，唔知消息喺邊傳出嚟。」對被拍得買減價貨而惹工作減少傳聞？她說：「其實寫呢啲嘅人一定好有錢，嗰度啲衫都話平，唔通人哋減緊價，叫人加番價先賣畀我咩！」
對於有否追求者，熊黛林即澄清早前與內地男星陳昊拍廣告的緋聞：「冇喎，拍兩日，實際接觸幾個鐘，自己零緋聞，冇交換電話。」她又謂希望有真戀情，不再傳緋聞。對於舊愛郭富城與葉熙祺的緋聞？她說：「唔關自己事，唔回應，唔關注。」
Janice Man不忌諱盂蘭節，昨日穿紅衣現身。
Jocelyn夫婦已恭喜Cara G.有喜，承認奶奶曾向老公施壓催生B。
周國豐太太黃泳霖單拖出席時裝活動。
JM鬼節紅噹噹
Janice Man在昨日盂蘭節以紅衣現身，她只知昨日是母親生日，會搞驚喜派對，送有全家福的立體相機形蛋糕。問到日前在內地出席電影頒獎禮後，有否與傳不和的楊穎（Angelababy）食飯？她表示一班人改去腳底按摩，又謂與Baby曾在朋友的生日會上碰面，二人冰釋前嫌？她說：「咁耐啦，其實本身冇乜嘢，新聞影響，以後乜都講出嚟，人大咗好多嘢唔再大意，有機會再約。」
from:
http://hk.apple.nextmedia ... 130821/18387253
