這是一個填充題，「為了＿＿＿，你可以去到幾盡？」留白的地方可自行填上，對兩位夢工場新人顏卓靈（Cherry）及蔡瀚億（BabyJohn）而言，真的可以去得很盡。前者出道已醉心電影，機會未到只能掛上𡃁模之名，在事業線群中殺出自己的事業；後者為專心演好第一齣電影，在經濟捉襟見肘下，依然推掉工作。事實證明沒有懷才不遇，最緊要練好功夫等運到，時來運到之日就要看「你可以去到幾盡」。
《狂舞派》現正上映
BabyJohn（左）跟顏卓靈在新作《狂舞派》中舞出火花。顏卓靈雖然算是新人，但已先後在多部電影中演出。
一句「你可以去到幾盡」是電影《狂舞派》的宣傳語句，電影沒有大牌演員，準確來講是沒有明星，但並不代表沒有好演員。《狂》片早前在香港國際電影節跟優先場，都有不俗的口碑，以冷門的跳舞故事，拼湊出熱血的故事，導演黃修平以無比的勇氣精神，砌出整套本地製作。當中一班年輕人的演出既自然又討好，當中最搶鏡的除了是演女主角「阿花」的顏卓靈外，演太極高手「柒良」的蔡瀚億亦令人眼前一亮。Cherry先後在電影《大追捕》及《迷離夜》中的演出，已令人印象深刻，而筆者亦有不少女友人對BabyJohn產生興趣，相信是被他在戲中儍頭儍腦的表現所吸引。
顏卓靈跟BabyJohn在戲中分別飾演跳舞及太極高手。劇照
角色爆搶鏡
兩位主角日前於尖沙嘴一餐廳接受本報專訪，BabyJohn坦言沒有想過自己的角色會如此搶鏡：「其實我冇諗過演到出嚟會咁爆，因為我哋拍嗰時係完全冇睇過playback，係導演黃修平剪完片打畀我話好爆喎，到我睇完片都覺得係幾爆，同我本身個人好唔似。」至於Cherry則覺得阿花一角仍有自己的影子，還在一個框架之內：「希望將來可以試多啲更唔同嘅角色，不過今次拍攝都可以一次實現我兩個願望，做女主角同埋跳舞，因為我細細個嗰時好想做dancer，今次亦俾我知道拍電影真係好辛苦，拍完之後我都係咁鍾意電影，確認冇揀錯。」問到Cherry首次擔演長片女主角的感覺，才20歲的她笑言等這個機會多年：「每日嘅拍攝喺精神方面已經好繃緊，雖然嗰陣我放緊暑假，但每日排舞同日接夜咁拍都好辛苦。其實我初入行時都係希望拍電影，只係當時時機唔啱，同時我剪咗冬菇頭後就好多人搵我做model，所以算係近一、兩年先重回電影懷抱。」
於戲中飾演舞林高手，顏卓靈可以一展舞技。
劇照
拚命為上位
上屆香港電影評論學會頒獎禮上最佳女演員一獎從缺，談到上位機會，Cherry謙虛表示：「我當然唔敢諗住啦，總之慢慢嚟啦，越嚟越多人識我已經好開心，一路有戲拍，keep住進步已經好好。」至於一出道便被指為「翻版薛凱琪」，Cherry坦言不介意，更笑言薛凱琪是一名美女，亦欣然將此稱號當作讚賞。
BabyJohn亦覺得能以新人身份擔當要角很幸運，更坦言自己「拚咗條命」去拍：「我嗰陣真係冇諗咁多，只係專心一意想演好個角色，我真係推咗啲工作，拍完之後係冇plan任何工作，而我冇錢真係會生活唔到，所以係拚咗條命拍㗎，希望快啲有另一部電影搵我開工啦！」
from:
http://hk.apple.nextmedia ... 130817/18382074
