蔡瀚億反串學生妹索過顏卓靈

今年金像獎勇奪最佳新演員的影壇新貴蔡瀚億（Babyjohn）日前發揮其「扮嘢」天分，於大型快餐店廣告中一人分飾六角，當中更反串「純情女學生」以及「媚眼OL」！他雖自誇索過顏卓靈，但在他心中覺得最索的「反串女神」是「小豬」羅志祥！

Babyjohn的冬菇頭學生妹造型非常「可愛」！

蔡瀚億（Babyjohn）今年以大熱姿態獲得金像獎最佳新演員，由於形象健康搞笑，深得電影、廣告商歡迎，除正拍攝《殺破狼Ⅱ》之外，亦將接拍多部蕭定一投資的新片，而廣告方面，最近便獲大型快餐店「大家樂」垂青，以接近七位數字邀拍新一輯廣告，Babyjohn要一人分飾六角，當中更要反串學生妹以及OL，出來效果出奇地漂亮，同韓星金秀賢、李準基反串有得揮！

怕惹妒忌
原來Babyjohn事前都花了不少心機，他謂：「因為我唔想醜化香港女仔，所以我事前都有冒住被人話嘅風險，係咁留意街上面女仔嘅動態，（女學生造型有啲似顏卓靈？）我索過佢，唔想佢妒忌我靚過佢，都無畀啲造型佢睇。（覺得男生反串邊個最索？）羅志祥，好靚！」

分飾六角
除了在形態上花了不少工夫，Babyjohn連食相都有研究，由於六個角色有老人家、有索OL等，個個都要食豬仔髀，所以Babyjohn要用唔同食相去演繹不同角色，頗具挑戰性。

Babyjohn表示自己反串女仔索過顏卓靈，但就不敢畀對方過目。

分飾六角的Babyjohn當中亦有阿伯造型。

反串OL的Babyjohn咬住豬仔髀，依然媚態十足。
from:http://orientaldaily.on.c ... /00282_020.html

電影新人顏卓靈和蔡瀚億（BabyJohn），昨日孖住出席珠寶店活動，齊齊搵銀；近日有份拍動作片的BabyJohn，對一切甚為好奇，如「片場小學雞」，試用真槍時更被槍聲嚇親。

蔡瀚億與顏卓靈拍住搵銀，不惜單膝下跪玩「求婚」。

顏卓靈和BabyJohn昨日穿上禮服，佩戴全身總值共500萬元鑽飾出席英皇珠寶呈獻全新婚嫁系列活動，這對銀幕情侶表現合拍，即場以舞步演繹鑽飾，BabyJohn更單膝跪地向顏卓靈玩「求婚」，惟取戒指時論論盡盡，多次被顏卓靈催促，甚為搞笑。

楊諾思對兒子女友十分滿意。

顏卓靈想打埋一份
而BabyJohn近日接拍電影《殺破狼2》，令他大開眼界：「佢哋打到好似打機咁，呆咗，（你都要打？）我係畀人打，我做咗片場小學雞，叫人畀我試開真槍，原來槍聲好大聲。」又說正努力學好普通話以及練大隻為未來工作作好準備，身旁的顏卓靈亦表示想做打女。

楊諾思拒為子鋪路
英皇鐘錶珠寶主席楊諾思讚兩人形象好正面，顏卓靈樣子甜美，十分配合是次的新婚系列。提到大兒子拍拖一事，她說已見過家長，對方是俄羅斯人，在美國長大，因懂普通話易於溝通，讚對方讀書叻是好女仔。她說兒子喜歡做導演，但不會安排兒子入英皇拍電影：「佢自己闖吓先，畀佢跌吓、認識吓，佢依家學埋經濟，因為知道有錢先可以開到戲。」
from:http://orientaldaily.on.c ... /00282_064.html