連拍兩戲撻著顏卓靈白只公園激吻

現年22歲的顏卓靈驚爆暗撻36歲「大叔」白只，兩人近日因合作兩套新片而撻著，日前凌晨顏卓靈與白只到九龍城撐枱腳，飽暖思「情」慾公然拖手行街，之後在公園內談心，月黑風高下情難自制，顏卓靈主動投懷送抱猴擒啜爆白只，被徹底溶化的白只攬著她狂吻，兩人激咀斷正戀情曝光。

白只憑《踏血尋梅》於今年香港電影金像獎連掃「最佳男配角」和「最佳新演員」，雖然他曾在頒獎禮上向《踏》片拍檔春夏示愛：「我對春夏有愛意，冇春夏冇我。」惟獲封影后的春夏卻視白只為兄弟，更公開已有男友，被拒愛的白只食完大檸檬，原來他已搵到女友填補心靈空虛，竟然同是電影拍檔的顏卓靈，本月16日兩人在九龍城公園攬啜，被本報讀者李小姐「爆相爆片」捕獲。

【食麵填肚】

白只於本月16日帶女友顏卓靈到九龍城黃明記撐枱腳。

讀者提供圖片

【公然拖手】

食飽後，白只與顏卓靈全不避忌拖手行街。

【戰車載女】

白只出動戰車Land Rover Defender載女友離開。

女仔做主動

年僅22歲的顏卓靈比白只足足細14年，她卻不介意戀「大叔」，又不介意白只沒有高富帥package，兩人靜悄悄撻著。讀者李小姐在電話中表示本月16日凌晨約12點，在九龍城出名麵舖黃明記目擊兩人撐枱腳：「全程得佢哋兩個人，有講有笑，之後就拖住手行去附近嘅九龍寨城公園，因為當時好夜冇人，見佢哋有kiss，係女仔主動。」

從照片所見，素顏的顏卓靈與白只步出餐廳竟毫不避忌拖手，之後就入了公園的僻靜角落談情，熱情如火的顏卓靈更主動獻吻，緊擁兼狂啜又肥又好攬的白只，白只雙手亦箍著女友纖腰密密錫，兩人激咀一輪後，由白只駕駛出廠12年、當年以約33萬買入的媾女戰車Land Rover Defender接載女友離去。

貼相認戀情

昨晚顏卓靈和白只在社交網貼兩人合照公開「白靈戀」，顏卓靈自爆白只叫她做baby：「當時我們在吃墨魚汁意粉，他說，you rock baby.」而白只則搞鬼貼兩人「換面」相，留言：「We are so blessed.」網友都留言祝福，《狂舞派》導演黃修平昨接受訪問表示：「希望兩個好戲之人喺一齊互相切磋，為香港電影發熱發光。」

顏卓靈於2013年憑電影《狂舞派》上位，據知她與白只因連續合作兩套電影擦出愛火，去年二人與鄭中基、周秀娜等拍《大樂師：為愛配樂》有不少對手戲，顏卓靈經常在社交網留言提到白只。最近兩人又合作新戲《今晚打喪屍》，朝夕相對難免戲假情真。顏卓靈曾被網友爆入行前已有band仔男友錢行，是超奀前組合Chips成員。

採訪：嵐山、李森

顏卓靈昨晚在fb貼與白只的合照承認拍拖。

未入娛樂圈前，顏卓靈曾和band友錢行拍拖。資料圖片

白只與顏卓靈因拍《大樂師：為愛配樂》朝夕相對。
from:http://hk.apple.nextmedia ... 160627/19671021

白只以往演開舞台劇，憑住上年同城城一套《踏血尋梅》連奪幾個演員大獎瞬間多咗人注意，可能佢太過投入演藝生活，幾年嚟都冇乜感情生活。

白只春夏
佢仲試過喺頒獎禮後台訪問公開同對手春夏示愛話：「我好直接講我愛你，我對春夏有愛意，冇春夏冇我。」做人夠晒直腸士肚。可惜春夏即刻派好人卡，話自己有男朋友，同白只淨係得兄弟情。

顏卓靈錢行
顏卓靈都係差唔多，13年佢套《狂舞派》上映，仲獲提名做金像獎「最佳女主角」，即刻被人起底揭發戀情。當時有雜誌報道指顏卓靈同組合Chips成員錢行（Walker）拍咗拖兩年，男方會不時上顏卓靈屋企過半同居生活。

顏卓靈嘅戀情已經係3年前嘅事，今次佢同白只又拖手又啜啜咁，斷估白只唔會又收好人卡嘅！
from:http://hk.apple.nextmedia ... 160627/19671800

顏卓靈
顏卓靈和白只都是影壇新寵，白只去年憑《踏血尋梅》橫掃7獎，顏卓靈則憑《狂舞派》越級挑戰章子怡爭影后，可惜鎩羽而回。

顏卓靈

《大追捕》（2012年）
香港導演會年度大獎獲「年度新演員」獎

《狂舞派》（2014年）
分別入圍第50屆金馬獎、第33屆香港電影金像獎、第14屆華語電影傳媒大獎的「最佳女主角」，但全敗給章子怡
《尋龍訣》（2016年）
第10屆亞洲電影大獎提名「最佳女配角」，輸給舒淇的《刺客聶隱娘》

《六弄咖啡館》（2016年）上海國際電影節獲「最受傳媒關注新人女演員獎」

白只

《踏血尋梅》（2015年）
第19屆富川國際奇幻電影節獲「特別表揚男演員獎」

第35屆香港電影金像獎起雙飛獲「最佳男配角」及「最佳新演員」

第52屆金馬獎獲「最佳男配角」

第22屆香港電影評論學會獲「最佳男演員」

第10屆香港電影導演會年度大獎獲「最佳新演員」

第10屆亞洲電影大獎獲「最佳男配角」
from:http://hk.apple.nextmedia ... 160627/19671022

「白靈戀」昨日拍戲時全程表現sweet到爆。

白只同顏卓靈前日被讀者透過本報「爆相爆片」踢爆拍拖兼當街攬啜，晚上兩人分別喺facebook認愛，「白靈戀」噚日首度合體喺上環拍新片《今晚打喪屍》。白只honey張繼聰都在場，大合照時企正一對戀人中間，笑話：「你哋可以key走我！」

之後白只同顏卓靈都有大方合照，白只全程咪咪笑，搞到女友都忍唔住問佢笑乜嘢？白只話未試過有咁多人影相。兩人行埋一邊傾偈時，白只仲好體貼咁將自己隻暖杯畀女友。受訪時佢哋都好sweet，但就唔肯講點樣撻着，白只曾公開向電影拍檔春夏示愛，問佢同顏卓靈拍拖係之前定之後嘅事？白只冇正面回應，顏卓靈幫口話：「我愛春夏多過佢愛春夏。」

希望一生一世

提到顏卓靈爸爸顏慶進係酒樓集團主席，目前共有9間分店，之前傳顏爸爸嫌女兒前男友錢行係奀星而棒打鴛鴦，白只認真回答：「Uncle應該係用一種觀望嘅態度，我亦都……我都係認真，唔係玩嘢。」顏卓靈讚男友有才華、成熟兼搞笑，白只就話女友太多優點，唔夠時間講，最迷倒佢嘅係顏卓靈份人夠真誠、爽直同正氣，希望呢段關係係一生一世，視女友為結婚對象。

撰文：馮仁昭

白只同顏卓靈一路傾一路用暖杯飲水。

白只畀隻暖杯女友，佢當然好受落喇。
from:http://hk.apple.nextmedia ... 160628/19672286