13號歐陽巧瑩邀吻胸「係我個人喜好」

二十位香港小姐候選佳麗昨完成外景後首度於荃灣廣場出席公開活動，由於準決賽及決賽將於本月25日及下月1日舉行，甚少曝光的佳麗只靠爆料負面新聞引人注意，不知是福是禍。

是非最多的13號「黑色乳牛」歐陽巧瑩，整容、摸胸照流出等新聞經常見報，最近又被爆在Instagram中以港式英語問友人「do u want kiss my ball？」大膽又豪放，昨問到疑似被摸胸照流出，歐陽巧瑩說：「相中一男一女我唔識，唔明點解話嗰個係我，我都想問邊度似，好耐之前聽屋企人講過有張咁嘅相，好明顯唔係我，我睇到都好無奈。」有否留過「kiss my ball？」的留言？她竟扮失憶說：「太耐我真係唔記得喇！Sorry！如果真係我要睇番先！」

二十位候選港姐昨日出席公開活動，齊齊拉票。候選港姐13號歐陽巧瑩（左）及1號張敬仁是非多多，昨日於荃灣出席活動時分別解畫。

20號陳偉琪晒事業線，昨日最「胸」湧。

記者即時讓她看留言，歐陽巧瑩如夢初醒說：「我應該係講笑，無端端我唔會挑逗人，有時朋友間講笑，呢啲溝通方法係我個人喜好。」那是不是常說話露骨、個性開放？她更答非所問：「唔係，我性格爽朗，因為我成日曬太陽游水，着泳衣我都唔覺得係乜嘢！」不過昨日再有讀者爆料，歐陽巧瑩另一個名字的facebook帳戶曾寫過志向做少奶奶，而profile照更疑似半裸。

13號歐陽巧瑩曾在Instagram留言問友人是否想錫其胸。

1號張敬仁認同性追求

至於1號張敬仁被爆搞雙性戀，但她昨否認曾與同性拍拖，只承認中學讀女校有人追：「我有同男仔拍拖，嗰時同個女仔講我有男朋友。」而司儀王祖藍在台上爆料指有佳麗食完飯冇清潔口腔，牙縫有菜，害得不少佳麗即用脷撩牙！事後祖藍不肯透露是哪位佳麗，而12號梁家欣則被發現牙縫有漬。
from:http://hk.apple.nextmedia ... 130805/18363854

今屆候選港姐昨日首度會見大會司儀，「是非港姐」(13)歐陽巧瑩繼被指整容及有疑似被男性友人摸胸照後，再被揭於交友網站上載性感照，兼留下挑逗字句，故於活動上成為焦點，連王祖藍及崔建邦也狙擊取笑她一番。歐陽巧瑩起初對挑逗留言大耍太極，後才肯承認，指只是與好姊妹講笑，並謂此乃個人喜好的溝通方式。

是非佳麗歐陽巧瑩被問及連串是非，連太極招式也技窮，只好逐一回應。

《2013香港小姐競選》20位候選佳麗昨日穿上自訂服飾，首度會見大會司儀王祖藍及崔建邦，並同時選出「現場最受歡迎佳麗」。歐陽巧瑩除了穿低胸裙突出外，連日來的是非也成了焦點，令祖藍於發問環節時，也忍不住以歐陽巧「紅」來取笑她。對於她自言有毅力，崔建邦即謂：「即係仲企到喺度？」及後歐陽巧瑩於台上發表心裏話，說不會重溫過去，會以行動證明自己，說罷司儀欲鼓勵她人生已向前了一步，沒料她竟真的踏前一步，場面惹笑。

對於近期是非連連，歐陽巧瑩再次澄清摸胸照主角不是她，亦不認識相中男女，又否認整容之說。談到被爆於Instagram上載性感照，並留言「do u want kiss my ball（想吻我的胸嗎）」，她起初以「唔記得」回應，後來有記者找出相片她才突然恢復記憶：「呢個係我好姊妹，我唔會無喇喇寫呢啲嘢去挑逗人，記得個message上面佢係讚我身材好，我講笑答佢啫！係個人喜好嘅溝通方式，依家知人哋唔鍾意會改善。」

祖藍（右）與崔建邦亦以歐陽巧瑩的是非做話題。

減掉9公斤的（14）林思韻，側面看來仍一「腩」無遺。

20位佳麗穿上自訂服飾會見司儀。

(1)張敬仁否認整容，只是箍過牙。

張敬仁有同性追
而(1)張敬仁被指整容兼中學時期多同性友人，她只謂曾於女校就讀，與同學關係不錯，記者追問有否同性追求？她尷尬地說：「都有，但唔會直接講，只係話有好感，但我最後話佢知有男友。（咁有冇整容？）我啱啱箍完牙，以前有兩隻虎牙凸出嚟，睇相都覺唔靚。」

身為司儀的祖藍，於拍攝大合照時踢爆有佳麗「牙罅有菜」，嚇得佳麗們即攏嘴整理。問到何以玩歐陽巧瑩？祖藍說：「都係根據佢嘅答案嚟問問題。（有冇睇過佢張疑似摸胸照？）第一次見未認得佢個樣，唔知邊個打邊個啦！」
from:http://orientaldaily.on.cc/cnt/e ...0805/00282_010.html