佘詩曼（阿佘）前晚身穿Valentino裙現身Swarovski活動，神采飛揚的她原來有愛的滋潤，怪不得全晚表現風騷，更高調地否認被內地富二代追求的傳聞，她說：「冇咁嘅事。（有冇追求者？）咁就有。（我哋識唔識？）唔識，係圈外人，朋友介紹，依家休息兩個月，終於有多啲時間出街約會，係好事。（進展成點？）依家都係朋友，有赴約。（有好感？）唔係，依家都係成班人出街，仲未到單獨約會階段。」
佘詩曼很希望與追求者單獨約會。
期待單獨約會
記者問阿佘是否很期待與追求者單獨約會，她含蓄地笑說：「都少少，我好耐冇同男性單獨出街，好似有十年八年，耐到唔記得。」至於是否仍等追求者製造驚喜，阿佘說：「有心人出現先。（係咪準備好先拍拖？）幾時都準備好，之前冇時間拍拖，我都希望遇到真命天子。」她稱沒甚麼擇偶要求，只希望男友了解與愛錫她，靚仔與否不重要，阿佘說：「要合眼緣，我覺得眼睛係靈魂之窗，望人都係望對眼先，望到第一眼就夠。」
剛踏入38歲的阿佘亦期待追求者表白，不介意高調公開戀情：「如果真係一齊，睇對方點，因為圈外人未必承受到壓力，我唔介意公開，收到更多祝福仲好。」阿佘又說很喜歡今次品牌的水晶鴨仔，現收藏了八隻，但從未收過另一半送贈。
鍾浠文戴黃晶增加財運，惜弄巧反拙。
阿佘與鍾浠文昨同為品牌展示首飾。
同場的模特兒鍾浠文表示，初入行很迷信，戴了黃晶首飾增加財運，可惜愈戴愈衰，更勸告大家不要迷信。
from:
http://orientaldaily.on.c ... /00282_036.html
