佘詩曼、張智霖（Chilam）和薛家燕等前晚在旺角一家食肆為電影版《十月初五的月光》慶功，上映近兩週，截至前日為止本地票房約收961萬，而中港澳三地累計就收約5,000萬人民幣。「君好」阿佘說：「合格啦，其實希望可以再好啲，但大陸嘅院線唔係好多，暫時票房只去到呢度。」
《十月初五的月光》本地票房勢破1,000萬，Chilam開香檳慶祝。
電影評價好壞參半，阿佘覺得葉念琛應多接納觀眾意見。
無線再將電視劇搬上大銀幕，不過男主角林峰就被飛走。
《使徒行者》劇照
唔知飛甩林峰
不少網民認為電影版太慘情、太多天災人禍，令人走進陰謀論的世界，甚至有人覺得不好看。阿佘覺得每個人口味不同，她說：「人好主觀，希望今次未能滿足嘅觀眾，導演（葉念琛）下次會接納佢哋嘅意見。」
明年2月阿佘將會再接拍電影版《使徒行者》，有傳林峰被飛，改由古天樂和張家輝頂上，阿佘表示不知情：「除咗我之外，真係暫時都唔知仲有邊啲演員，要開會先至知，咁當然希望係原班人馬啦。」有指無線會一開三拍埋《使徒行者》網劇，阿佘說：「聽過，但希望拍完一樣先一樣。」
至於「初哥哥」張智霖預告明年1月16號在廣州開個唱，目前銷情不錯，但不會邀請阿佘做嘉賓，他笑說：「知佢好忙，佢私下同我講唔識唱歌，識佢咁耐都未聽過。」老婆袁詠儀（靚靚）屆時會否撐場？Chilam說：「有屋企人同我一齊參與，我會唱得更加安心。喺香港阿靚做過我嘉賓，雖然佢當時唱唔到，但喺我眼中都係咁可愛，我想佢邊度跌低邊度起番身。」提到老友郭富城失落台灣金馬影帝，可有予以安慰？Chilam煞有介事謂：「唔好講呢啲喇。」
採訪：張俊銘
攝影：陳順禎
from:
http://hk.apple.nextmedia ... 151127/19389322
