古天樂、楊千嬅、周渝民（仔仔）及高圓圓等昨日在觀塘出席電影《單身男女II》的開鏡拜神儀式，古仔與千嬅繼十多年前合作拍電影《乾柴烈火》後再度合作，千嬅讚古仔keep得好，古仔亦禮尚往來說：「佢做戲啲感覺好唔同，以前合作可能係開心果多啲，𠵱家係比較穩重啲，可能係有咗個小朋友。」問到有否咀戲？古仔說：「好似會有，但係去到埋牙會停咗喺度，結局都未定實，淨係知最後嗰場好似蜘蛛俠咁爬牆。」
千嬅與古仔再度合作，希望可再擦火花。（左起）仔仔、千嬅、高圓圓及古仔出席新片開鏡儀式。
另外，千嬅表示首次與杜琪峯合作，很多事令她很好奇，幸好至今未試過被他責罵。至於仔仔與高圓圓亦表示戲中有一些很複雜的愛情故事，仔仔笑說：「我還未試過，蠻希望可以試一試。」
from:
http://hk.apple.nextmedia ... 130731/18356618
