林盛斌（Bob）同鬼妹陳明恩近日為電力公司拍廣告，兩人仲拍到上床，佢哋張大被同眠嘅床照，十足當年林峯同潘霜霜嘅床照翻版，唔知係咪想寸林峯呢。佢哋喺廣告入面扮小夫妻，遇上家居電力問題一齊解決。Bob提到嗰場床戲就好雀躍咁話：「呢場戲講我哋想曳曳，但因為播映時間係合家歡時段，所以只係搞笑，冇親熱鏡頭。」
阿Bob同鬼妹扮番林峯當年同潘霜霜嘅床照。
恨同娜姐親熱
Bob話下次廣告商搵佢拍廣告，片酬同親熱鏡頭成反比，佢話：「如果親熱鏡頭越多，片酬我可以調低啲，終極可以免費㖭。但係我尺度只去到鹹濕同搞笑，過份情慾好似鹹片咁就咪搞。」Bob表示拍親熱鏡頭要嚴選對手：「如果換細細粒（陳嘉佳）片酬要加碼，嗰啲漏M同飛釘𡃁模，我一定收天價，當然如果索到好似娜姐（周秀娜）級數，我倒貼都冇問題。」
另外，近日網上有條片阿Bob惡搞《阿飛正傳》，片中佢扮梁朝偉着晒老西梳頭，再約Hello Kitty喺餐廳見面，片中仲惡搞王家衛式對白。但條片係做乜就冇講到，搞到網友一頭霧水。
阿Bob同鬼妹演小夫妻，兩個都一樣咁搞笑。近日網上有條片係阿Bob惡搞《阿飛正傳》扮梁朝偉。
from:
http://hk.apple.nextmedia.com/entertainment/art/20130724/18346138
