李璧琦堅料 一門兩傑 《星夢》李璧琦大佬把炮繼二打六鄭俊弘在首集《星夢傳奇》一鳴驚人後，曾孖住王敏德拍攝旅遊特輯，三點式晒34C出位，近三十歲的李璧琦，亦在第二集爆出，可惜去到第三集失準被Out出局，但總算攞咗個頭彩。
唱功不俗的李璧琦，學識亦相當；而她的胞兄，更加把炮，03年拍住沈祖堯抗疫的中大醫學院內科及藥物治療學系感染、傳染病科主任李禮舜醫生，正是李璧琦哥哥。
家有英雄胞兄李禮舜醫生是沙士英雄，李璧琦亦不失禮，唱得之餘，也是八級鋼琴高手，加上英文好，讓她成為明珠生活台主持膽。直至出戰《星夢》，以歌劇《Think of Me》顯唱功，獲評判葉蒨文及俾分嚴謹的巫啟賢大讚。
不過週日（七月十四日）出街的《星夢》第三集，她演繹《大會堂演奏廳》因緊張嚴重失準，大熱倒灶，同梁烈唯齊齊被Out，快上快落。
相對仍要面對事業考驗的李璧琦，其胞兄李禮舜卻是人所共知的沙士英雄。他曾形容於沙田威爾斯醫院8A病房為：「戴住外科手術口罩衝進火場！」家有猛料阿哥，但李璧琦對家事低調，從不炫耀。直至早前演藝人協會為回顧港人成功抗疫十周年，策動群星錄製歌曲《Let's Fly Away》，有份參與的李璧琦與胞兄李禮舜齊齊現身歌曲MV；而上月底，李璧琦為林以諾牧師舉行的棟篤笑騷任嘉賓講見證，一家人包括李禮舜也現身出席，兄妹關係，才被踢爆。對此，週日（十四日）出戰《星夢》第三集的李璧琦，卻不願多說：「佢係我阿哥，不過家事我唔想講，sorry！」
剛播出的第二集《星夢》，李璧琦憑唱歌劇技驚四座，一度以為有機會跑出。
才華橫溢的李璧琦，其胞兄李禮舜（右），是傳染科教授，是十年前與沈祖堯聯手抗沙士的醫護勇士。
第3 round叮走豈料她在本週日（十四日）錄影的《星夢》第三集因表現失準，由領前變墮後，與遭評判狠批的梁烈唯齊齊out出局，而鄭俊弘則繼續蟬聯。
梁烈唯叮走
反叛偷走長時間在明珠台出鏡的李璧琦，一度鬱鬱不得志，更令她與家人關係破裂。在浸大修讀聲樂的她，九六年參加新秀，同屆有何韻詩但因家人反對入娛樂圈，即使入了十強，也被迫退賽；之後有多間唱片公司打其主意，但一一被家人所阻。
「除咗退賽新秀，佢當年喺新城電台同TVB合辦嘅歌唱比賽亦攞咗冠軍，之後仲差啲同華納簽約，點知又係屋企人唔俾，話想佢讀Law，唔可以實現自己嘅理想，所以有段時間同屋企人關係麻麻。」知情者說。
上月，李璧琦在林以諾牧師棟篤笑騷上台講受挫折及與家人關係由緊張到緩和的見證。
「當時因為自己變得好反叛，試過喺二樓爬窗出夜街，又試過離家出走。近年與家人關係終於修復，家人亦冇再阻止我入行（娛樂圈）。」李璧琦說。
過往在歌唱比賽奪標無數，又曾替國際品牌如Coca Cola、Sony等唱廣告歌。但李璧琦在無綫出位之作，是數月前以三點式上陣，晒事業線的旅遊特輯。
十年前沙士籠罩香港，人心惶惶。十年後李禮舜（紅圈）跟沈祖堯、許樹昌醫生等一班前線醫護人員，仍努力研究沙士預防工作。
有當沙士英雄的阿哥，李璧琦早前有份為演藝人協會灌錄，紀念港人抗疫成功的歌曲《Let's fly away》。
自己友玩晒向全台藝員公開招募參賽的《星夢傳奇》，因為力捧的梁烈唯及蕭正楠毋須面試便直接入圍，早已被指大細超！加上獲無綫台前幕後公認是「歌王」的奀星鄭世豪，面試後卻離奇被叮走，無綫友均感愕然之餘，鄭世豪更在微博申訴：「節目入選準則大多數要計……做人不能太天真。」無綫不少唱家班藝員，都感《星夢》只是公司捧親生仔女的玩意，唱得的「孤兒仔」（非經理人合約）根本冇機會公平較量，曾是華人新秀紐約區冠軍的楊證樺及黑妹愛徒、李思捷前度葉凱茵等，都拒絕參加。
鄭世豪雖是無綫二打六，但攞起支咪卻信心十足，且歌藝出色。有指他未能晉身入圍《星夢》，無綫台前幕後均感詫異。
唱得的楊證樺點解唔參賽？佢話：「見世豪咁唱得都入唔到圍，我諗呢個都係一場遊戲。（記：係咪因為「孤兒仔」一定贏唔到「親生仔」？）哈哈！點都好，我哋孤兒仔有製作部珍姐同梁家樹俾機會就足夠。」
葉凱茵：「呢個都係一場騷啫！我盡咗力就算。」
