李璧琦近年由主持轉戰拍劇，近期更有機會為劇集唱插曲，原來畢業於浸會大學表演系的她，主修聲樂，畢業後已開始教唱歌，她說：「都教咗十年八載㗎喇，我本身都好鍾意唱歌，有時可以唔計酬勞同回報，總之有機會畀我唱捱夜都可以。」
近年專注戲劇發展的李璧琦早前演出劇集《女警愛作戰》令人印象深刻，而最近剛拍畢另一新劇《巨輪》的她，劇中角色由90年代演至2013年，更要以打女形象出現，李璧琦說：「劇中我要打跆拳道，又要開槍，所以公司要我上咗一個月速成班，初初訓練就成日拉傷大髀肌肉，仲要同陳展鵬真打，有次拍打戲講我踢腳，點知爆咗腳趾公甲，真係好核突同好痛。而且又要去啲好污糟嘅地方拍攝，由頭到腳都污糟晒，好多塵同好恐怖。」
from:
http://hk.apple.nextmedia ... 130429/18243179
