重口味 肉搏關楚耀 陶傑誘羅霖上床由揸筆到大氣電波，被稱才子的陶傑再越界做導演，開拍情慾電影《愛•尋•迷》，電影故事意識很大膽亦有變態，處男作更打人情牌，甚至成功誘得失婚羅霖上床，肉搏細她十八年的關楚耀。
出動私伙九一年亞姐冠軍羅霖，入行廿年從未拍過電影，初次為陶傑獻出第一次，就要拍床戲及出浴，極之重口味。
「陶傑好識講嘢，咁就俾佢氹我拍呢部戲，應承咗先知玩到咁激！其實我冇所謂，最擔心係啲仔接受唔到，我個細仔都話唔想我拍戲，但佢問我有冇錢收，我話有少少㗎，佢就話有錢就go ahead啦！哈哈！其實我今次拍戲都出咗唔少私伙，手袋、睡衣之類，好靚㗎！」
要同細自己十八年的關楚耀床戰，四十八歲羅霖直言不抗拒，「年紀相差幾多真係冇所謂，我完全接受得到姊弟戀。」羅霖說。
騷玉腿羅霖一上床就露白滑玉腿，果然夠放。首次執導嘅陶傑氹掂首次拍戲嘅羅霖拍床戲，未試過同大自己十幾歲女人上床嘅關楚耀，笑到見牙唔見眼。
露髀罅羅霖露埋髀罅引關楚耀埋身。
寸爆陳振聰陶傑首次執導就拍情慾片，他笑言此片是鼓勵年輕人，若要溝闊太也要有一技之長。
「我呢部戲係勵志片，唔想年輕人以為學風水就可以溝闊太搵食，套戲講關楚耀係洗頭仔，洗洗吓勾引到闊太羅霖，希望啲𡃁仔去讀吓毅進、IVE，有咗一技之長可以勾到好似羅霖咁正嘅上市夫人，唔好學風水吹水，之後就入赤柱。」句句有骨的陶傑寸爆陳振聰。
試床禮陶傑親自用手試下張床夠唔夠軟熟，認真細心。
瞓陣先羅霖懶理其他人討論細節，自己攤喺張床眠一眠。
露出內褲埋位拍床戰當日，羅霖同陶傑雞啄唔斷，反而對手關楚耀坐埋一旁，看似十分緊張。
「係有啲緊張，咁大個仔都未試過同大過自己十幾年嘅女人上床，仲有咁多人望住，有啲壓力。」
聽到關楚耀話緊張，陶傑即時加多腳。「頭先羅霖話未試過同有鬍鬚嘅男人錫，關楚耀留晒鬚，分分鐘㓤到羅霖出晒色。」
Auntie羅霖亦派晒定心丸，叫關楚耀大膽啲，不用就住就住。望著睡衣露出白滑美腿及內褲的羅霖，關楚耀也忍不住說：「邊似四十幾呀？仲keep得好好喎！」
樣靚身材正的Mandy Lieu同樣俾陶傑𥄫中，做其中一個故事的女主角。
陶傑有才子稱號點會唔露兩手？現場一幅裸男畫，就係出自佢手筆。
首次拍情慾戲，羅霖不容有失，自備靚靚粉藍絲質睡衣。
羅霖拍情慾戲最怕影響到囝囝，好彩三個囝囝都給予支持。
48歲的羅霖保養得宜，連對手關楚耀都讚她皮膚白滑過好多後生女。
失婚婦有市場娛樂圈離婚女藝人多到數唔晒，但有演技又keep得好，失婚絕對不是絕路。
余安安
現年54歲的余安安，87年與李萬祺結婚息影，03年離婚後復出影壇，接拍多部電影包括《早熟》、《我要成名》、《寶貝計劃》及電視劇，年過五張的她還有條件在銀幕以三點式泳衣騷身材。
夏文汐
已經48歲的夏文汐，下嫁台灣商人黃冠博移居美國息影近廿年，三年前傳出婚姻危機，開始逐步復出，先後拍過麥浚龍投資的電影《保衞戰隊之出動喇！朋友》，其後又孭重飛在電影《出軌的女人》，跟細她二十年的陳偉霆拍床戲，近作是在楊采妮執導的《聖誕玫瑰》中扮桂綸鎂媽咪。
