曾志偉及陳維冠監製的無綫新劇《Aerobic Girls舞室保衛戰》昨日在將軍澳電視廣播城開鏡拜神，李若彤、李麗珍、陳慧珊、江欣燕（欣欣）、張慧儀、葉蘊儀及袁潔瑩七位女主角，以及吳啟華、鄭敬基及鄭丹瑞等均以劇中造型出席。日前坦承與吳積遜十二年婚姻告終的欣欣，婚變消息傳出後首度公開現身，看來心情尚算平復。飾演舞室老闆娘的她，在台上介紹角色時說：「我哋要保衞阿媽留低嘅舞室，冇男人都唔緊要，我哋要靠自己！」志偉等人即拍手叫好。
事後欣欣解釋只是劇情，並非她的心聲，講到心情則說：「我都集中精神開工，努力排舞。」她再說：「我返嚟做嘢永遠用最佳狀態，識得控制自己，好清楚決定嚟㗎嘛，所以我冇乜兩個人之間嘅事要澄清同發表，活在當下，我OK㗎！」其間她一度有點眼紅紅兼哽咽，不過很快平復。
李若彤心態平靜
對於有周刊指欣欣啞忍老公搞女十二年，她說：「隨便大家點講。你叫我自揭，冇咁嘅必要，不過我一定唔會講大話。兩個人相處唔係細問題，而係長時間先發覺大家性格好唔啱，最緊要係我哋盡快搵到好滿足嘅生活。」問到離婚導火線？她說：「冇乜大原因，可能有一日醒咗去決定，對大家係好事。」盛傳因協議書而不能透露詳情，她說：「幾好笑喎，係我哋協議，總之我哋永遠都係朋友。」
至於曾患上情緒病的李若彤表示，現階段已經康復：「心態好平靜，仲開心過當年開工，唔似當年咁有壓力，𠵱家要好好享受過程。」而被指脹爆的葉蘊儀則說：「我唔會理，做好自己嘢。」
江欣燕昨日在將軍澳電視廣播城出席新劇開鏡拜神，看來心情沒有受婚變影響。身穿舞衣的欣欣舉止豪邁。
陳慧珊與吳啟華再合作，令人期待。
from:
http://hk.apple.nextmedia ... 130716/18335703
