黃宇詩一手包辦的自家內衣品牌me Me& ME昨日在上環舉行開幕記者會，宇詩的媽媽華娃與及圈中好友如張慧儀和江欣燕等亦有撐場。對於有報導指與資深大律師胡漢清結婚並誕下囡囡的江希文，近日低調返港併入住沙宣道大宅過少奶奶生活，更不時相約父母及胞姊江欣燕家庭聚會，江欣燕大方地說：「我當然有同妹妹見面，仲探咗佢囡囡，好得意，妹妹𠵱家嘅生活好快樂，好似一個正常婦人，以湊女為樂，多謝大家咁關心，佢冇乜特別。」
江希文與胡漢清結婚後，傳江與奶奶關係一直不咬弦。
黃宇詩自認細咪
談到有指江希文的奶奶莊永楚避走加拿大，欣欣說：「我唔係好清楚佢屋企嘅嘢，佢兩個快樂開心就得，以前我都唔係咁鍾意小朋友，𠵱家屋企多咗個新成員，我都充滿愛心，當係自己個女咁錫。」再問妹妹有否為報導而不開心，欣欣說：「唔會，我見佢冇乜嘢，我自己睇佢係一個好賢良淑德既人，係一個好好嘅媽媽，呢樣已經足夠，佢丈夫屋企嘅事，就由佢丈夫自己處理。」至於妹妹婆媳之間關係是否惡劣？她則說：「我唔知，我妹妹唔係一個咁工心計嘅人，據我所知佢哋應該唔係一齊住，係咪返嚟定居要等佢兩個自己決定，有好多嘢要配合。」
黃宇詩媽媽華娃親身到場支持愛女，大家舉杯慶祝，十分高興。
此外，宇詩宣佈與志偉合資七位數字開舖，希望在頭一年可以翻本，因為第一個月的營業額已經有6位數字，不過她不會親自上陣做代言人，她笑說：「我屬於細咪一族，要搵都搵啲後生女。」
from:
http://hk.apple.nextmedia ... 140624/18773104
