Lesley上年跳槽HKTV拍劇才賺到錢出新碟,最近開始錄製第二隻歌,但她說:「早前首〈Forever〉使咗好多錢,我都唔知夠唔夠錢錄超過3隻歌,希望今年內出到碟啦。」
搜尋氣
山P緋聞女 楊受成仔正印 Eason御用作曲 姜麗文:冇刻意黐先交到心
本週開個唱的陳奕迅,最新派台歌〈主旋律〉網上熱播,由慢轉快的旋律獲網友大讚;唔講唔知,原來作曲人是兄妹組合Benji and Lesley的阿妹姜麗文。
姜麗文多年來以獨立歌手身份自資出碟,雖然阿爸係秦沛,但從沒後台撐腰,早年在契媽翁倩玉介紹下過日本發展,人紅唔起卻能跟紅星山下智久做「朋友」,又同林德信、楊受成細仔楊政龍傳緋聞,如今更得Eason賞識簽做旗下製作公司EAS作曲人。Lesley稱交朋友全因夠真心,「又冇諗靠佢哋做啲乜,可能咁樣先交到心!」
![姜麗文山P緋聞女,楊受成仔正印圖片1](http://3.share.photo.xuite.net/foodlife/1381ce8/6379315/260309941_x.jpg)
![姜麗文山P緋聞女,楊受成仔正印圖片2](http://3.share.photo.xuite.net/foodlife/1381cd3/6379315/260309920_x.jpg)
新歌〈Forever〉請來韓國型男Ricky Kim來港拍MV,Ricky在韓國做兩集爬山特輯有成100萬美金酬勞,Lesley說拍這個MV則是超友情價。
![姜麗文山P緋聞女,楊受成仔正印圖片3](http://3.share.photo.xuite.net/foodlife/1381ceb/6379315/260309944_x.jpg)
Lesley上年10月被影到同楊受成細仔楊政龍夜遊跑馬地傳出緋聞。
我當年去日本發展唔係咁理想,但係喺朋友介紹下識到好多人,咁大家都係後生仔,我鬼妹仔性格同山下智久做朋友都好正常啫,又冇諗過靠佢做啲乜,好多日本朋友都仲keep住有聯絡,可能就係我冇刻意想黐佢哋,咁樣先交到心!
認識Eason係2年前喺餐廳撞到佢,佢係我偶像,我忍唔住過去自我介紹,佢原來知道我哋係自資歌手,傾咗陣Eason想聽吓我哋嘅歌,我咪即刻喺電話播畀佢聽囉,嗰時已經好滿足!
我哋識咗之後見過幾次,有次佢喺中環送我搭的士,突然問我其實有冇寫咗啲歌,send畀佢聽吓,我開心到即日就畀咗佢,但過咗兩個禮拜冇回音,以為唔得啦,突然CY Kong(Eason監製)通知我話:「就嚟錄喇喎,你要唔要嚟睇吓?」嘩!喊死我!
好耐之前我喺屋企浴室塊鏡寫咗16個願望,其中一個就係寫歌畀Eason,嗰時阿哥仲話我發夢都咪玩到咁大,我覺得如果寫啲肯定成功嘅願望有乜意思呢?𠵱家簽咗畀Eason間公司做作曲人,我同阿哥出碟依然係冇唱片公司㗎。
![姜麗文山P緋聞女,楊受成仔正印圖片4](http://hk.face.nextmedia.com/images/next-photos/face/319/640pixfolder/W1119_237_001.jpg)
![姜麗文山P緋聞女,楊受成仔正印圖片5](http://hk.face.nextmedia.com/images/next-photos/face/319/640pixfolder/W1119_237_010.jpg)
姜麗文因爸爸秦沛的關係認識不少圈中人,13年前在後台與陳奕迅有一面之緣(上),13年後2人同樣的pose再合照,Eason要再扮唔望鏡頭,好鬼馬!
Lesley在HKTV拍了《童話戀曲201314》及《三面形醫》,在網上播出片花後演技被讚賞,她好開心話:「《童》嘅角色好似飲醉咗嘅姜麗文,好多謝咁多人讚我!」
11年嗰時我哋好慘!嫲嫲走咗,TVB炒咗阿哥,半年冇收入,冇錢出新歌,阿哥又鬼剃頭,唔知放唔放棄唱歌好,戶口得番千幾蚊。當時阿爸想幫我哋,但佢就快70歲喇,我有咩資格用佢努力賺嘅錢呢?阿爸又叮囑過唔好借錢同賭錢,所以我哋要靠自己。