緋聞多多的姜麗文，被傳戀完日本男星山下智久後，又先後傳戀上鄭俊弘（Fred）和林德信，不過她至今未承認戀情。剛剛被影到為緋聞男友鄭俊弘拍拖慶祝生日兼回家過夜的姜麗文，在阿Fred生日的前夕，被發現與一男子在寓所附近的餐廳內午膳。
當日一身街坊look打扮的姜麗文，於中午12時左右帶同愛犬離開寓所皇御居，會合一名下巴兜兜的男士到附近的茶餐廳午膳，坐姿極為豪邁的姜麗文與該男子言談甚歡，其間當然亦談及感情事，隱約聽到姜麗文說：「之前男朋友都唔知我嬲佢，真係嬲呀！」未知此人是否指鄭俊弘，後來亦聽到她以流利日文講電話。大約45分鐘後，兩人結伴離去，不過臨分手前亦站在路口密密斟多一會兒，最後便獨自回家。
姜麗文與鞋抽男在茶餐廳內午膳，言談甚歡。姜麗文的踩鞋街坊look，頗為嚇人。
鄭俊弘承認與姜麗文慶祝生日，不過他否認戀情，只稱兩人是好友。
林德信（右）一行三人齊齊shopping，可惜他未有收穫。
林德信睇化妝品
另一方面，鄭俊弘昨日分別出席新劇試造型和時裝活動，被問到與姜麗文拍拖，堅稱兩人是好朋友的他說：「本來十幾個朋友食飯，點知去到個個放飛機，食飯係兩個。之後上咗佢屋企，原來成班朋友都喺度，搞咗個surprise party同我一齊慶祝。」姜麗文被指如女主人搞party，他說：「唔好咁講，大家搞。」不過當問到兩人是否拍拖，阿Fred則未有回答，只稱與她爸爸秦沛拍劇開始至今，一直都叫對方做阿爸。另外，姜的另一個緋聞男友林德信，前日亦與一男一女友人現身ifc，齊齊睇化妝品，惟獨林德信未有收穫。
採訪、攝影：楊浩賢、朱志聰、羅德光、王崇穎
from:
http://hk.apple.nextmedia ... 131114/18506629
