藝人姜麗文出道至今一直默默耕耘,撇除父蔭自力更生在娛樂圈發展。十九歲曾隻身在日本發展,試過無錢開飯一個椰菜吃足一個星期,至今亦不敢向父親秦沛說出真相。日前她為有線節目拍攝特輯,與一班小朋友玩遊戲,更親自製蛋糕,為當中三位小朋友慶生日。
![姜麗文椰菜食足一星期圖片1](http://orientaldaily.on.cc/cnt/entertainment/20130927/photo/0927-00282-029b1.jpg)
姜麗文(左)為有線節目拍攝特輯,並為小朋友慶生日。
由於姜麗文在日本曾主持兒童節目,故與小朋友很快打成一片。問童年是否都很百厭?她說:「爸爸以前同我講過,話我細個時有次帶我去旺角買麵包,點知佢一擰轉身,我見到有個學芭蕾舞嘅同學經過,我跟咗同學同佢家人走咗,去咗人哋屋企玩。阿爸發覺唔見咗我就跑足成條亞皆老街搵我,點知搵極都搵唔到,佢話佢打咗電話畀爾冬陞、姜大偉,最後連張曼玉都打埋,嚇到佢死,佢話最後我去到同學屋企自己打咗電話返屋企講去向。」
from:
http://orientaldaily.on.c ... /00282_029.html