星煥力捧歌手吳若希（Jinny）日前為新歌拍MV，對於造型及構思被指抄足吳雨霏（Kary）個唱海報，Jinny強調概念來自水母，絕無抄襲之嫌，對於獲公司大灑金錢為新碟造勢，Jinny希望新碟有金唱片銷量來報答公司。
吳若希獲公司厚愛，豪擲半百萬宣傳新碟。
吳若希（Jinny）剛推出第三張專輯《我懂了》，日前她拍攝新歌《炊煙》MV，被本報踢爆造型及構思激似Kary年初舉行的演唱會海報，Jinny解釋說：「今次MV想試新嘢，化妝、衫、主題都同之前唔同。」她表示有睇過涉抄報道，她說：「成件事係兩樣嘢，MV概念係水母，好多時創作係喺基本之上添加另一啲嘢。」
遇Kary不尷尬
問到有否為報道不快？樂天的Jinny說：「唔會，我同Kary係唔同類型。（見面尷尬？）唔會，點解要尷尬？」Jinny透露剛睇完MV第一Cut，她說：「背景同燈光冇一樣嘢似，唯一係降落傘似囉。」對於獲老闆何哲圖豪擲半百萬宣傳，Jinny承認說：「入行咁耐第一次咁重本，老闆啱啱打畀我話新碟第一日出貨畀上一隻碟多一半，都期望有金唱片。」
新歌MV的概念源自水母，亦有出動降落傘，吳若希認為不涉抄襲成分。吳雨霏早前的個唱海報同樣以降落傘為主題。
記者笑她成功取代鍾嘉欣在老闆心中地位，Jinny大笑說：「唔係，嘉欣BB好多人鍾意，佢係全公司嘅BB，同埋嚟緊都開演唱會。（覺唔覺公司大細超？）唔會，我自己未有準備開音樂會，所以要有好好心理同生理嘅準備。」
from:
http://orientaldaily.on.cc/cnt/e ...0628/00282_082.html
