林子祥兒子林德信（Alex）繼日模松岡李那，近日又與台灣女星陳妍希傳緋聞，前晚松岡出席活動時表示三人都是朋友關係，她不會呷醋，因她對自己充滿信心，她還大讚Alex又nice又sweet，並非花花公子。
松岡對自己信心十足，又力撐林德信唔花心。
日模松岡李那與韓模蔡恩真（EJ）前晚齊齊席活動，松岡被問到她與緋聞男友林德信（Alex）以及陳妍希三人的關係，她說：「我哋係朋友。（你識陳妍希？）梗係識，我一、兩個月前幫佢同Alex拍咗段短片。（佢兩個好sweet？）佢哋係識咗好耐嘅朋友。（你哋邊個同Alex close啲？）唔知道。（呷醋？）唔會，點解我要呷醋。（你係Alex女朋友嘛？）總之我從來都唔會呷醋，我對自己有信心。（唔介意Alex約陳妍希？）唔介意，我哋都係好朋友。」
至於可會覺得Alex花心？她即力撐對方說：「我唔覺得佢花心。（對你專一？）唔知，問番佢，我覺得佢好nice好sweet。（佢係咪鹹濕仔？）我唔知。（你哋成日畀人影到會唔會小心啲？）或者，希望唔好影咁多。（公開戀情咪得囉？）係咩？唔知道。」她又謂未見過林子祥真人，想見見對方，又讚對方靚仔和唱歌好聽。
陳妍希佩戴卡地亞鑽石項鏈及戒指，高貴迷人。
林德信被拍得與陳妍希約會。蔡恩真疑似凸點。
蔡恩真插真人騷冇靚仔
而EJ則疑似凸點，她解釋說：「我戴咗nude bra，但呢度真係好凍。」她又批評最近播出的無綫真人騷《求愛大作戰》：「啲男仔都幾醜樣，香港好多靚仔，唔明點解會揀佢哋。」她更質疑節目中的形象指導許嘉浩（Karl）如何教人追女仔：「佢都未追過女仔，點教人追女仔？其實韓國都有呢類節目，但啲男仔都好靚仔。我都想參加一次呢類節目、不過要香港版，同埋一定要係靚仔，我都可以教啲男仔整容同扮靚。」問到她揀男友是否必須要靚仔？她即說：「我諗係因為咁所以我仲未有男朋友，希望好快會有。」又笑言要找Karl教路。
另外，陳妍希日前就佩戴最新卡地亞Paris Nouvelle Vague珠寶系列於北京出席電影首影禮，明艷照人。
from:
http://orientaldaily.on.c ... /00282_070.html
