同張敬軒常傳緋聞的34歲王菀之，今年初自爆與拍拖七年的圈外男友分手。有指去年中王菀之被填詞人梁柏堅力追後，便二話不說撇甩正印，殊不知，原來對方已暗地裡出軌，跟與岑建勳拍拖的公民黨副主席（外務）陳淑莊撻着，戇居居捲入四角關係的王菀之不甘被起飛腳，事後向友人訴苦藐爆情敵陳淑莊，又老又醜！
玩認真嚇親數月前，王菀之自爆在拍攝無綫劇《老表，你好嘢！》期間，與多年男友分手，所以在劇中一場分手戲中，演出特別投入，演技大受好評。但原來現實中，她同樣飽受情困，陷入四角戀。
「Ivana（王菀之）同佢個ABC男友拍咗咁多年拖，大家嘅感情一早淡晒，加上佢男友根本唔鍾意佢做娛樂圈，兩個成日都有拗撬；所以上年梁柏堅追佢，Ivana見同佢幾啱傾，對方填詞得又係做金融，才財兼備，咪諗住同人發展，仲即刻走去同男友講分手。」王菀之身邊好友透露。
同男友分手後，王菀之一心諗住與梁柏堅發展，點知對方見她玩認真，竟然一百八十度轉軚，甚至即刻斬纜。
問到梁栢堅有否向她展開追求，王菀之一臉尷尬，但未有否認，只不停說：「我唔答你！你問番佢哋啦！」
6月16日陳淑莊開Talk Show，梁栢堅晚晚撐場，完show後，更結伴離開食消夜。
落住毛毛雨，梁栢堅替女友擔遮，夠細心。
又老又唔靚
完Show後，Ivana雖然冇男友陪，但就有大班fans準備好禮物、蛋糕同佢慶祝生日。
據了解，當時梁柏堅原來已暗中追掂四十二歲的陳淑莊，即使對方與年屆六十的岑建勳搞社運搞出愛火，但梁柏堅依然咬住唔放，最終成功擊退岑建勳。
「Ivana一向嗌自己做王后，覺得自己大把人追，但而家竟然輸俾個年紀大過佢咁多，又唔靚嘅女人，佢梗係接受唔到，嬲到癲咗啦！」
晚晚去捧場上星期，陳淑莊在藝術中心做talk show，梁柏堅晚晚到場支持！尾場完騷後，二人更孖咇同大班工作人員，拉隊到銅鑼灣廣場的太湖食消夜，吹足三粒鐘，至凌晨二時才上的士離開。
同日（六月十六日）王菀之則在葵青劇院演出舞台劇《小人國4》，被問到梁柏堅，她還面帶笑容。「（你識唔識梁柏堅？）識呀！（佢係咪追過你？）呢啲嘢我唔講。（有傳你係因為佢，先同之前個男朋友分手！）你哋喺邊度聽返嚟㗎？（但佢而家又同咗陳淑莊一齊喎！）呢啲嘢你問番佢哋兩個啦，唔好問我！」王菀之說。
6月13日當晚，陳淑莊與梁栢堅同埋大班工作人員到銅鑼灣食消夜，其間二人黐住坐不時咬耳仔。
另一緋聞男友岑建勳亦有到場支持陳淑莊。
數月前，Ivana被拍得同西裝男歎意大利菜，之後仲齊齊到糖果店買朱古力。
陳淑莊參選立法會時，岑建勳現身幫手拉票。
Ivana在《老表，你好嘢！》中，因為失戀喊到變花面貓成為熱話，事後Ivana解釋當時正值失戀，故演得分外投入。
追求王菀之期間，梁栢堅幫《老表》主題曲《謝謝大家》填詞，由王菀之與王祖藍合唱。
