迷盪銅鑼灣已經事發超過三個月，廿三歲何超盈至今仍然要守行為，每次外出，女助手全程貼身，寸步不離。
上星期三（五日），下午茶時間，吊帶tee短褲超盈同女助手孖咇喺中環ifc閒逛，遊到Lane Crawford首飾部，超盈終於有興趣停低，只見職員鋪晒唔同錶款嘅catalog喺枱面，逐一詳細講解。
當發現《壹》仔喺外面「隊」住超盈，職員如臨大敵，三人馬上安排超盈同女助手行入去角落位，再派兩員守喺外面，高度戒備，嚴防《壹》仔。放心！何家四房大小姐個鼻咁乾淨，八珍諗唔到《壹》仔有任何理由要硬闖囉！
職員通水外面有記者，冇化妝嘅超盈馬上戴番黑超遮住雙眼。先招呼超盈走入角落安心睇錶，再派兩員戙响外面守住，嚴陣以待。
