賭王何鴻燊四房千金何超盈、港龍創辦人曹光彪孫女曹穎惠香港時間昨日早上現身紐約，出席意國品牌Valentino第五街新店時裝騷，同場還有湯告魯斯（Tom Cruise）前妻姬蒂荷姆絲（Katie Holmes）、荷李活影星賓史迪拿（Ben Stiller）、金像影后茱莉亞羅拔絲（Julia Roberts）的演員姪女愛瑪羅拔絲（Emma Roberts）及韓國女星申敏兒等，可謂星光熠熠。
愛瑪羅拔絲一身粉紅裙裝束出席時裝騷，演繹華倫天奴的青春氣質。 《美聯社》
姬蒂荷姆絲（右）與品牌創辦人Valentino Garavani結伴睇騷。
「細佬開心就得」
超盈在攝氏3度低溫下，身穿七彩色調厚厚外套，她透露此行公幹，順道睇騷，因而缺席長房超英的葬禮，超盈說：「會為新酒店搵啲藝術家嘅擺設，所以會去畫廊搵作品。」提到工作狀況，超盈表示：「工作壓力一定有，對我嚟講唔係問題，爹哋媽咪都好支持我，畀我發揮同自由度，你知阿媽咁新潮。」
據悉，猷君原本都會出席睇騷，因航班延誤缺席，問到超盈有否見過細佬新女友、即新加坡孖妹組合By2的Yumi？她表示：「有見過。」對於Yumi被指整容，甚至講大話訛稱讀麻省理工短期課程，超盈表示：「等細佬自己講，細佬開心就得，我冇乜意見。」超盈透露自己未有拖拍，亦不怕猷君爬頭：「冇，好慘，不過工作忙冇所謂，唔驚佢爬頭，最好。」此外，曹穎惠將會在紐約過聖誕，問到她的婚？，她笑言：「同老公各有各忙，都想生BB，但係兩個好少見，都俾屋企人鬧，所以都大壓力。」
採訪、攝影：顏英儀
韓星申敏兒率先演繹早春新裝，透露正忙於睇劇本。
曹穎惠湊巧在紐約處理時裝生意業務。
from:
http://hk.apple.nextmedia ... 141212/18965786
